إخواني - أخواتي
رواد هذا الصرح الكبير
مبدعي الكلمة / إحساس الحرف
و جمال المعنى
أسعد الله جميع أوقاتكم بكل خير و مسرة
كم يُسعدني أن أضع بين أياديكم هذه المتواضعه
علها تصل إلى ذائقتكم
و تنال بعض الرضا .
* * *
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أكسر الصمت بكلامك و اخترق سطح الزجاج=بينك و بيني مسافات العنا و لون الغروب
وش يفيدك بالتأني و الهوى مثل العجاج= طيّر القلب و تفنن في رسم شكل الهبوب
انتشر حبك بقلبي حتى راج و حتى راج = في جزيئاتي و سافر مع تباريح الشحوب
قلبي المجروح يطلب من ورا حكيك علاج= بلسمٍ يشفي جروح النازف .. الهم .. العطوب
أكسني الحب و تكلم .. تضوي النجمة سراج = قول أحبك .. تكفى قلها خلني أشرق و اذوب
حبك اللي في عيوني عقدٍ .. سوارٍ و تاج = حبك الدنيا و غيره ما ابيه و ما ينوب
حبك ألوان التلاقي بين ياقوتٍ و عاج = حبك أغصان الورود اليانعة وسط القلوب
حسنك المغرور صافح عينك الخجلا و هاج = علّم الدنيا الإثارة و زاد هالعالم رتوب
عذبٍ أكثر يا فراتك .. تغلب الملح الأجاج = تسقي عيون السواقي و واصل لأبعد دروب
طهرك اللي .. طهرك اللي يأتي من كل الفواج = طهرك أوفر كنك اللي ما لا ذنب و لا يتوب
يا اختياراتي .. يا كيفي .. يا طعم أحلى مزاج = الشهد ريقك و حالي .. خالط اللولو بكوب
يالتناقض في كياني .. يالغموض و يالوهاج = يالسلام اللي بعروقي .. و اندلاعات الحروب
أسجن الخافق بقلبك و احرس القلب بسياج = و خلني ألقاك فيني من شمالي للجنوب
الشروق اللي بعيوني بالسما سوى انفلاج = و الغروب اللي بحنيني .. نادى بالفعل الكذوب
في تأخر هالمحبة .. راح اسوي احتجاج = لاطم الخدين ساخط من بعد شق الجيوب
و الله أني راح ازود كل هالعالم رجاج = لو تعيب جنون فيني .. و الله أن كلي عيوب
يا رسول الحب تكفى بلغه فحو الديباج = و علمه أن المحبة ماهي من شرع اللعوب
و أن حبي أنقى حبٍ يخطو بحدود النهاج = لين يوصل مع جنابه للمقدر و محسوب
و قله تكفى عجل أكثر و اخترق سطح الزجاج = قول احبك تكفى قلها خلني اشرق و اذوب[/poem]
* * *
سلمتم جميعاً
و في رعاية الله دمتم ،،،
رد مع اقتباس
