وأنا جالس أسمع لأغنية محمد عبدو " أخر زياره " جاء في بالي ايام لاتنسى طبعا اكيد بيروح
تفكيركم بعيد ( الأنتهاء من قصة حب عنيفه ) بس أنا لااااااااااا مكبر راسي من ناحية المواضيع
هذي . تدرون ذكرتني فــ أيش ...؟ >>>>>>>>>>>>>>>> الدراسه منذ مبطي
فكانت الدراسه أول على كيف كيفكم ونااااسه من جد وكانوا الـــ classmates في قمة الخبال
وكنت أنا ورفيق دربي سهم المنايا من أفضل الطلبه في المدرسه وكان يشار إلينا بالبنان من شطارتنا
حتى أني أذكر انه من زوود الشطاره ماكنا نفطر في المقصف كنا نجيب معنا شاندوتش طمام وعليه
كتشب ( المصريين الشطار يسوون كذا ) حتى حافظات المويه اللي تعلق في الرقبه حقت الفلسطينيين
ماكنا نتخلى عنها .المهم كان معنا في الفصل الصالح والطالح وكنت أنا صويحي وطاولتي في المقدمه << يحطون عليها المدرسين دفتر الدرجات من زود الثقه
وسهم المنايا يجلس جنبي وكان بيناتنا تنافس شريف لخدمة الوطن والمدرسه الثالثه والخمسون <<< أسم المدرسه
وكان في الفصل حقنا هرش ويدعى بــ المملوح وكانت طاولته في الزاويه وطول الوقت داق اللطمه ويشاخر
من كثر النوم وأذا صحاه اللي جنبه الا وأنواع السعابيل على الطاوله والله لايوريكم المهم المملوح كان
أكبر واحد في الفصل وكان معيد في الصف ثلاث سنوات والرابعه في الطريق أنشاءالله وكان الوحيد
اللي يجي بسياره لأنه يعرف يسوق وكانت أمنية كل واحد فينا أنه يكلم هالهرش ومع مرور
الايام قدرنا نشبك الهرش انا وسهم ولله الحمد وصار مايسمع فينا ( المملوح في الفصل = أمريكا في العالم )
ومن هنا بدأ الأنحلا ل لنا كاطلاب علم مجتهدين والسبب معرفة المملوح حتى ساندوتشات الطمام اللي
نجيبها معنا وحافظات الماء تم الأستغناء عنها والسبب المملوح . كان رائد الفصل حقنا أسمه عشق ليل
وكان مدرس ملكع وهو أكثر واحد يعرف المملوح من كثر مايشتكون له زملائه في غرفة المدرسين <<< الله من ضيقة الصدر فيها
وكان مثله مثل أي رائد فصل كان يخاف على أبناء فصله من الأحتكاك بهذا الهرش ولكن لاحياة لمن
تنادي فلو يعلم هذا المدرس ( رائد الفصل ) مدى تعلق الطلبه بهذا الهرش لغسل يده فهو بمثابة القائد والقدوه لهم <<< مين قدك ياعم
كان يجلس جنب المملوح واحد أسمه أنا مجنونها وراء في الزاويه وكان المملوح يجلسه بجنبه مهوووب
حب(ن) فيه على شان يحل له الواجبات والله وكيلك وعلى هالحال أبو الشباب <<<<<<<<<< أصولها
كان المملوح يحب يسمع لحمد الطيار والصريخ وكان سهم المنايا يحب يسمع الأغاني الوطنيه
وبالذات أغنية ابوبكر " يابلادي واصلي " عشان كذا كان الولد مميز في الأذاعه الصباح
بعد الطابور الصباحي اللي كان يعطيناه عشق ليل " مالك ألا عشق " المهم كانت أيام جميله لاتنسى
أذكر كان عددنا مايقارب 35 كهلا ً وكان الطموح يراود كل واحد فينا فمنا من تخرج وأصبح
عالم ذره ومنا من أصبح دكتورا ً ومنا من أًصبح طيارا ً ومنا من أصبح عاطلا ً ماعنده ماعند جدتي <<< والله مهوب المملوح
بس السؤال هينا .................................................. .....................؟
أين المملوح الطالب البليد المشاغب الـ الـ الـ الخ ............................................؟
تدرون وين المملوح الأن .................................................. ............!!
معيد في جامعة هارفارد ومن ضمن شروطه اللي طارحها على الجامعه عشان يدرس فيها <<<< مرغوب فيه في جامعات أخرى
1/ أول مايدخل القاعه على طول الطلبه اللي في الصفوف الأماميه يجلسون في الصف الأخير ومن هنا
نتذكر المثل اللي يقول " ابو طبيع مايخلي طبعه "
2/ دقيقة صمت تضامنا ً مع صديقه سهم المنايا الذي يقطن في مستشفى شهار عنبر 5 لأسباب لانود
الأفصاح عنها <<<<<<<<<<<<<<<<<<<<<<<<<<<<<<<<<< راحت أيام الأذاعه ياسهم
3/ تسمية احدى القاعات في الجامعه بأسم رائد الفصل الذي أفنى عمره ووقته من أجل المملوح وهذا إن
دل فإنما يدل على روح الولاء في هذا الدكتور النبيل .
3/ تخصيص 4 مقاعد سنويا ً لمنسوبي المدرسه الثالثه والخمسون اللي تخرج منها المملوح مع أعفاءهم
من الضرائب والرسوم والسكن والمرتب بلاش مع أعطاءهم تذاكر سفر درجه سياحيه ( مهوب عاجز عن درجه أولى بس عشانه يحب يجلس وراء ) .
وفي الختام لايسعني الى أن أقول ياليت كل الطلبه مثل المملوح كان مافيه أمل نلقى بطاله عندنا ....وشكرا ً
ملاحظه : الى الأخوه الكرام أرجو المعذره منكم وخاصه أخوي المملوح <<<<<<<<< يحس انه زودها معه حبتين
وأيضا ً عشق ليل وسهم وانا مجنونها .
أخوكم / يم يم
رد مع اقتباس
