[poem=font="Arial,5,white,bold,italic" bkcolor="transparent" bkimage="backgrounds/38.gif" border="none,4,gray" type=2 line=0 align=center use=ex num="0,black"]
هذة القصيدة رد على قصيدة احد الاخوان في احد المنتديات قبل مايقرب خمس سنوات
احببت نقلها اليكم................
الله يحيّك ياللي زان منطوقة=جزل المعاني رفيع الشان معلاقة
همك معي يارفيقي لاحت بروقه=ولبابكم ياخبير الشعر طرّاقة
لاشك هذا زمان الكذب والبوقة= ويد الشريف اصبحت يارجل بوّاقة
والنخوة الماضية والعز مخنوقة= حتى رماح القفا للظهر زرّاقة
ولاّ كرامة هل الشيمات محروقة= كلٍ تغانى ولاله حاجة وفاقة
وليا بغيته تبي تغير اطروقة = لقيتلك عيَة بوعين ملاّقة
اللي لحاهم مع اهل الجود محلوقة = للزور والبغي والبهتان مرّاقة
راحوا هل العرف والباقين مصفوقة= ياحبها للمشاكل دوم توّاقة
ماقلت ياصاحبي زودت مشروقة = هيضتني يوم شفت النفس فهّاقة
مثايل لونها بتقول غرنوقة =وحروف شعري مع اهل الطيب شوّاقة
ترى العرب ربع ساق وربع مسيوقة = ونصف على كاسب الطالات شفّاقة
والقهوة اللي تبيها اليوم مدلوقة = عند الهداني وضاعت ساعة الواقة
وناسٍ من اللف والدوران مرزوقة= والحرا لشقر معاه البوم خفّاقة
برسل لك الرد وازكى الطيب من فوقة = ورايات شعري على الناموس برّاقة
بن حيان[/poem]
رد مع اقتباس
المشاركة الأصلية كتبت بواسطة منصور بن علي بن حيان القحطاني
