اغنام - ابل - دواجن - طيور



السسسلآم عليكم
اسعد الله اوقاتكم اخواني واخواتي
طبعا بالتصاميم النص نصف التصميم ويآثر بشكله النهائي
سواء تواقيع او صوره رمزيه او بنر او وسائط

وله اعدادات مهمه
سواء عربي او انجليزي
او على حسب استخدامه
يعني مثل لو عندنا توقيع
تختلف اعدادات عبارة التوقيع او الاسم
عن اعدادت الحقوق سواء كانت حقوق المصمم او حقوق المنتدى
ودائما العبارات المهمه او الاسم تكون بارزه وواضحه
عكس الحقوق الافضل يكون بسيط وصغير حتى مايخرب التصميم
مع انه كثير مصممين تنسرق تصاميمهم لان حقوقهم صغيره او مو واضحه حيل وذا بذمه السارق
بس لجمال التصميم يهون ولكل مصمم لمسه خاصه فيه
المهم راح ابدء اشرح لكم شلون نبت الخطوط بالجهاز
وهي ماتثبت بالفوتوشوب لا بالجهاز نفسه وتلقائيا معنا تطلع بالبرامج كلها خاصه برامج التصاميم
طبعا شرحي على نظآم ويندوز 7 (Windows 7)
بس تقريبا الطريقه متشابهه بكل الانظمه

اولا بعد مانحمل الخطوط سواء من موقع خاص بالخطوط او من المنتديات

في طريقتين اما نثبتها من نفس المجلد وذي الطريقه بالويندوز 7
او ننسخ الخطوط من مجلد الخطوط الي لوحه التحكم ونختار الخطوط ولصق وذي الطريقه بكل الانظمه

الطريقه الاولى بالويندوز 7
نفتح مجلد الخطوط اللي حملناه او اذا نزل لنا الخط لوحده بزر الفاره الايمن نضغط ويطلع لنا قائمه
اول شي مكتوب تثبيت مثل اللي بالصوره
طبعا انا حددت كل الخطوط اللي بالمجلد عشان يثبتها لي مرا وحده وضغط بزر الفاره الايمن واخترت تثبيت

طبعا راح تثبت تلقائيا

الطريقه الثانيه
نكون فاتحين مجلد الخطوط ونحدد الخطوط وننسخ

بعدها من لوحة التحكم


نختار الخطوط


يفتح معنا مجلد ونلصق الخطوط وراح تبثت معنا طبعا اذا طلع لكم ان الخط مثبت وهل تريد المواصله اختارو نعم
وراح يطلع معنا كذا


طبعا ضروري نكون مقفلين الفوتوشوب وحنا نثبت الخطوط
ولما نفتح البرنامج بنلاقي الخطوط

نبدء الحين بشرح اعدادات النص بالفوتوشوب

طبعا العربي والانجليزي نفس الاعدادات تقريبا
بس اللي يختلف خط البكسل وهو اللي يستخدم بكتابة الحقوق وميزته دقيق ورسمي
وذا عينه له

واكيد لاحظتوه بكل الدروس كاتبه فيه حقوقي على الصور

ومعروفه خطوط البكسل وبعطيكم موقع تحملون منه
المهم له اعدادات خاصه ولا مابيطلع لكم مضبوط
وذي اعداداته
بالادوات فوق


بالقوائم الجانبيه


طبعا بالبكسل افضل شي يكون الخط None بمعنى عادي حتى يكون محدد وواضح
ولاحظو الفرق بالصوره

وبالنسبه لحجم خط البكسل مابين 8 مثل اللي بالصوره و12 وذا اقصى شي لانه لو صار اكبر مابيطلع بشكل حلو
وفيه نقطه عشان تفرقون بين خطوط البكسل والخطوط الانجليزيه العاديه صغرو حجمها لبين 8 و12 وحطوها None اذا طلعت واضحه يعني بكسل
اما اذا مو واضحه والخط معدوم يعني من الخطوط العاديه

طبعا فيه خط بكسل عربي واسمه تاهومي Tahoma
وذا عينه له

واعدداته نفس الانجليزي بس الاختلاف ان الحجم مابين 9 و12
عبارة بسم الله الرحمن الرحيم حجمها 9
واسمي حجمه 10
نقدر نستخدم هالخط بالعبارات الصغيره واكثر مايستخدم بتصميم الوسائط MMS


ثانيا النص العربي والانقلش نفس الاعدادات
ويختلف عن البكسل الحجم اكبر وموو محدد والدقه ضروري تكون Smooth سموث بمعنى ناعم او املس او مصقول كلها نفس المعنى

وبالصوره شوفو الاعدادات بالادوات والقائمه الجانبيه للخط


الجانبيه


شوفو الفرق اذا اخترت الخيار عادي واذا خترت مصقول او ناعم



ملاحظين كيف عبارة سبحان الله فوق كيف حدودها متعرجه والخط طالع مو حلو
والثانيه بالعكس واضح ومضبوط
وذا الخطاء ياثر كثير بالنص
الاعدادات تفرق كثير اما تحسن النص واما تحوسه واكيد بالاخير نبي تصميمنا يكون احترافي
وخطاء بسيط مثل النص يخرب نص التصميم
بكذا خلصت الشرح والحين دور التطبيق
ذي عينه للخطوط اللي حطيتها لكم حمولها وطبقو منها وماراح احدد خط معين
بس يهمني ضبطكم للآعدادات


وترا خط تاهومي موجود بكل الاجهزة واللي مو موجود عنده يخبرني احمله له

الخطوط العربيه حملوها من هنا واسمها خطوط الكلك
http://www.mediafire.com/?07rltmdg3vhkrx9
خطوط البكسل
http://arabsh.com/files/0e3240436df3/خطوط-بكسل-rar.html

طبعا ذا موقع لخطوط انجليزيه وخاصه البكسل
http://www.dafont.com/bitmap.php?page=1

المطلوب صوره 200 * 200
اكتبو اسمكم بالعربي
وكلمة aghnam بخط عادي بعد
واكتبو رابط المنتدى www.aghnam.com.sa بخط بكسل

اتمنى اكون وفيت بالشرح والمعذره عن اي خطاء او قصور

بالتوفيق:271: