[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لولا التجـارب والأخطـا ماتعلمنـا=في كل طقـه علـى ماقيـل تعليمـه
نحسب أحساب الخطا لامـن تكلمـا=ون طاف شئ(ن)سهوفالعذر تقديمـه
منقدم الطيب الـه بالطيـب قدمنـا=ندبل له الطيب والمعروف والشيمه
واليا حضرنا جموع النـاس سلمنـا=تحيـة الديـن بالسـلام تسليـمـه
وتردنا عن بعض حاجاتنـا الشيمنـا=ومن لايعرف الحقوق أضعيف وبهيمه
أحد(ن)تحطه خويللك علـى الايمنـا=و احد(ن)يجيب الملام ويلحقك ظيمه
بعنا وشرينـا وتاجرنـا وساومنـا=وعشنا ببيت الشعر والقصر والخيمه
وخضنا تجارب وفي بحر العنا عمنـا=ماهي سواليف ابو قصـه وتنعيمـه
واليا نصينـا بـلازم نقـدره قمنـا=والضيف مانشح في حقه وتكريمـه
والرزق قسمه ورب البيـت يطعمنـا=وألادمـي مايجـيـه ألامقاسيـمـه
المال منه الكرم والطيـب محرمنـا=والوقت هـذا صعيبات(ن)مفاهيمـه
ومـاراح بالطيـب راح ولاتندمـنـا=القصر صعب(ن)عقب مبناه تهديمـه
والقل يرد العـزوم ويقصـر اليمنـا=والمال يرفع رجال(ن)مالهـم قيمـه
خليف الوهيداني[/poem]