السلام عليكم ورحمة الله وبركاته
اخواني الأعضاء هذه قصيده من قصائدي الجديده
التي لم يجف حبرها
أتمنى أن تحوز على رضاكم وإعجابكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
الضربة اللي ما تموت تقوّي = وأنتي طعنتيني ومرت على خير
ياليتها جتني بخنجر عدوّي = لكنها من خنجرك جرحها غير
ماعاد ينفع قول ليتي ولوّي = ولاعاد ينفعك الأسف والمعاذير
خلاص ياطير يتعذرك جوّي = دور على جوَ به تحوم وتطير
أول أفكر في فراقك وأنوّي = واليوم عازم لوهو يصير ما يصير
توي أكتشفت أنك تخونين توّي = وأنا اللي ماأصدق بك كبير وصغير
لو كنت أنا اللي خاينك وش تسوي؟؟ = بتقول عادي ولا بتثور وتغير
لالايغرك ياحبيبي هدوّي = ولالاتقولي طيب وقلبه كبير
في الحب أنا بالذات عاشق مهوي = ولاخان خلي صرتنا كني الزير
أقوّم الدنيا وأقلب علوّي = وأثور في وجهه عواصف وأعاصير
ولا قلت اسامح صاح صوتِ مدوّي = صوت الجروح يفجر القلب تفجير
كم قلت لك روفي علي وتروّي = مافي الهجر إلا الشقا والمخاسير
كنت أطلبك ظامي وأنا اشوف نوّي = ياخذ من بحوري ويمطر على الغير
خلاص أنا مليت يالله تهوّي= روحي لمنهم غرروا فيك تغرير
وعشان أثبت في المواقف سموّي = لامن طرى أسمك أبذكرك بالخير [/poem]]
وسلامتكم
تقبلوا تحيتي
اخوكم
حزين الحرف
عبد الرحمن سعد
رد مع اقتباس
[/align]
المشاركة الأصلية كتبت بواسطة عبدالرحمن الدوسري
