هذه قصيدة وجهتها لأحد الزملاء الشعراء آمل أن تنال استحسانكم
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="double,4,gray" type=0 line=0 align=center use=ex num="0,black"]
الشعر له شاعر وللطيب رجال
ونقش خالد للمراجل شربها
.
والصدق له مبدأ وعنوان وأمثال
صفة جليلة حظ من هو كسبها
.
سلام ياشاعر يصلّك بمرسال
سلام يابن العم وأوفى عربها
.
سلام منقول(ن) من أبها وميال
يم الديار اللي تخفف كربها
.
بأسلك ياشاعر عن الوقت واسال
هو بقي لي في الوقت غالي طربها
.
لي صاحب(ن) قد تل روحي وله بال
بالي معه ولكل لحظة قطبها
.
قصة تزيد الرأس هم(ن)على أهبال
قصة قديمة وانت تدري خطبها
.
قصة يتيمة قصة أحلام وآمال
آمال وأحلام (ن) وغيري سحبها
.
الحب بلوة تصرم القلب باسلال
مثيل صرم المزرعة من قصبها
.
الحب ملعون الصلايب ودجال
يالعن أبو ذالحب ورحي نهبها
.
الحب بحر الموت بالموج طيّال
وبحور حبه من سلم من نشبها
.
هذي حياتي في ترحّل ومنزال
وآمال روحي قد تهدم قببها
.
أبغى الإفادة وانت صقر(ن) وخيال
عن غيبته يا خوك عطني سببها [/poem]
الشاعر/ مرعي الحمراني العمري
رد مع اقتباس
-new.gif)
