[frame="6 80"][align=center]
السلام عليكم ورحة الله وبركاته
وينك بعد روحي أنا ياجرح في قلبي كبير
من غبتي عن عيني وانا غايب عن الوعي والشعور
أشكي غيابك والألم في ليل ماعنده ضمير
أواه ياليل السهر لو كِنت مابين الحضور
ياكم تمنيتك معي في واحة الشعر المثير
يوم القوافي هايمه في حبك إبكل البحور
أشتقت لك شوق القلم يكتب على صفحة حرير
أشتقت لك شوق الحروف توصف غرامك في السطور
أشتقت لك كثر الغياب إللي غدى وقته مرير
كثر المواجع والألم في قلب يهواكِ دهور
كل لحظه في بعدك تمر تجلب من الحزن الكثير
ياكم جمع قلبي حزن في غيبتك بدر البدور
أحسب من الوقت ما مضى من يوم لقيانا الأخير
وأقول ياحيف الزمان الي قضى قسوه وجور
إيش المضره في الحياه لو في دفى حضنك أصير
وأعيش أحلام الهوى بين الحدايق والزهور
إيش اللي يحصل في الوجود في لو في سما خدك أطير
وأقطف من الورد بوستين ممزوجه بالحب والعطور
وسلامتكم
[/align][/frame]
رد مع اقتباس
