طبعا أنا أول مرة بحياتي أشارك بالمنتديات وأنشر قصايدي حتى المجلات مانشرت فيها .
عندي قصايد كثيرة كانت حبيسة الأدراج ولكن بعد أن فارقتني حبيبتي غضبت وجعلت غضبي يصب في نشر هذه القصايد التي كتبت أغلبها بعد الفراق .
آمل ان تحوز هذه القصيدة على رضاكم وهي بعنوان
رجوى الضعيفين
[poem=font="Traditional Arabic,7,orange,bold,italic" bkcolor="transparent" bkimage="backgrounds/26.gif" border="none,4,gray" type=2 line=0 align=center use=ex num="0,black"]
ياعين نامي واتركي كل هوجاس = يكفي سهر ياعين والناس ممسين
ياعين سجّي واتركي عنك الياس = وكفِّي ذريف الدمع ياعين تكفين
ياعين يكفي ماجرالك من اتعاس =اللي رحل ياعين امره يبكين
اللي رحل قطّع خفوقي بالأمواس =وخلا طعونه في خفوقي نياشين
اللي رحل خلَّى الشرايين يبَّاس =وقف مسيرالدم وسط الشرايين
واتلف عليَّ الحال وشيَّب بي الراس = وعزَّم رحيله يمْ ناس بعيدين
وخلا لي الصورة وحبرٍ بقرطاس = وذكرى ليالِ أيام وشهور وسنين
وشيَّل رحيله دون تدريبه الناس = وابعد ولاادري وين ربعه مقِيمين
ودورت أنا دنياي والفكرمحتاس = وسألت كل الناس ولحدٍ يدلِّين
ورجعت أنا حيران اصْفق بالأخماس = ابكي واصوت وين سيدالمزايين
يابوحلا ياخوك ياغالي الناس أشكي= عليك الهم والوجد والبين
اشكي عليك الحال ياطيب الساس =واشكي عليك غياب ناسٍ عزيزين
من بعدهم ياخوك ماذقت الأوناس = اسهرودمع الحزن يذرف من العين
من بعدهم حرَّمت أنا كل مجلاس = وابعدت نفسي عن عيون القريبين
مالي جدا ياكود قولة ولاباس = ولالي جدا ياكود رجوى الضعيفين
والختم صلوا عد ماهب نسناس = واعداد ماطافوا على البيت داعين
على رسولٍ ماوطى درب الأدناس= المصطفى المختار مبين لنا الدين[/poem]
وشكرا لكم .
للتواصل الشاعري
[email protected]
رد مع اقتباس
المشاركة الأصلية كتبت بواسطة أبوعبدالرحمن
