[poem=font="Simplified Arabic,4,black,normal,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]
انتشت فيني نسايم للحروف الابجديه = واستهل القلب ينفث من مشاريهه عليها
ليه خانت والعشم فيها برجل ماهوب صبيه = والهقاوي مامرحت فيني ولا أمرحت فيها
رتبت كل النهايه من قبل تقلب عليّه = وابتدت تلعب على المضمون مع اني ابيها
عزتي عيت احاول عقب كلمتها الغبيه = ليتها ماقالت آل فلان والله غير اجيها
والحروف اللي نصتني كنها جرات حيه = اغلقت نيّة نقاشي بالمفاتيح بيديها
في بدايتنا حروف وفي نهايتنا سميه = اشتهت نقض العهد ياهمستن كنت اشتهيها
المشاعر غصن اخضر والوصل زهره نديه = مثل ما حبي ثمارن يانعه كنت احتويها
لك ورود الحب واخلاصي وانفاسي هديه = ليت فادت واثمرت في داخلك ورده حديها
من يحب بساع ينسى بساع مضروبن بميه = ومن تعود يسمع ابشر يحسب انه مشتريها
ومن يمشي كلمته من فوق لحياتن رديه = ما يمشيها على رجّال دايم معتليها
ومن لجاهه يُحترم لكن لذاته ما يحيّه = لازم يراجع حساباته ولازم يشتويها
والميانه بعضها مثل الاهانه لك بليه = بعضها بخبال والباقي دناءة يمتطيها
والرجل دون الرجوله ما يفيده لبس زيه = والامر ماهو لحرمه والرجل ما يحتريها
ايه احبك وايه احبك لكن عروقي ابيه = من خلقنا ما انحنا رجال لبنيه يبيها[/poem]
رد مع اقتباس
المشاركة الأصلية كتبت بواسطة عبدالعزيز الخالدي
