اخواني اعضاء وزوار غرابيل
عندما يتهم الشاعر بقصيده انها ليست له تحس في خاطره بعض الشي
ويرتاح اذا كانت من جاهل او مغرض لذلك وجدت رد على قصيدة الطير
قام بمسحها احد المشرفين مشكورا والحذف في القفا يصيب
إليكم ماجاش به الصدر
العصر مع غيمة ومدة نظر عين
جاش الضمير ابما يكنه ويخفيه
اجمع بنات الحور يطلع سلاطين
والساس من راس السلاطين ابا ابنيه
مرجان مع لؤلؤ وعود ورياحين
ورجم(ن) مع الشعار للمجد راقيه
غادين ياسراية الليل غادين
القاف سهل الماء ليا جيت اسويه
ماني بمن يسرق من الخلق قافين
قافي ليا جبته تفننت والويه
ياذاك يالي قلت وش قرب الشين
الكذب سهل وزينته فضح راعيه
شي بدون اثبوت كومه من الطين
وليتك بيمناك الكريمه تساويه
يابوك حنا في غرابيل الاثنين
ماعندنا الا من يبيعه ويشريه
شعار من داني وعرف وقوانين
وانته بهت الحي وميتك باليه
الكذب كبه وانتبه كان لك دين
قدام احدك لين ثو بك توطيه
يابوك انا طيب وشاعر ما ابا الشين
وكلن على عرفه وعقله يقديه
هذي نصيحه جات واختر بثنتين
ترا الخطا يرجع على راس راعيه