بسم الله الرحمن الرحيم

تخيلوا كتبت الموضوع شطووووله اخر شي انمسح بالغلط :(

يالله ماعليه تستاهلون ارد اكتبه مره ثانيه

حبيت اكتبلكم طريقة عنايتي ببشرتي وجسمي ان شالله اقدر افيدكم واجاوب عن اي استفسارات
توصلني

بليز لاتبخلون علي بالردود استانس لمن اشوف مشاركاتكم

بسم الله نبدا .....

اول شي راح ابدا بالبشره

اول نصيحه احب اكتبها لكم ( كلش لاتنامين بالمكياج )



وايد يتعب بشرتج كريم الاساس بيسكر المسام ومايخلي البشره تتنفس وراح يطلعلج حبوب ومكياج العيون مع الايام البشره راح تمتصه ويخلي حوالين عينج اسود
والمسكارا بتطيح رموشج




طريقتي بتنظيف المكياج اهي :

ماحبيت الكريمات اللي تزيل المكياج احسها لويا وتظايق العين
احب اكثر شي اللي يصير جنه اويل
من اتش ار


او جونسون




واحب استعمل بعد المناديل المخصصه لازالة المكياج




عقب ماشيل المكياج اغسل ويهي باي غسول

لازم تختارين غسول يناسب بشرتج

انا اللي ارتحت عليه اخر شي كلين اند كلير



هالماركه مخصصه حق المراهقات وبشرة المراهقات تكون وايد حساسه فعجبني الغسول خفيف عالبشره

جربت قبل نيتروجينا وااااايد نشف بشرتي

وجربت فير اند لافلي خلا بشرتي حمره وناشفه بعد

عقب ماتغسلين بالغسول حطي شوية اسكينول على قطنة ومسحي فيها الويه

اكثر شي احب اللي على بابايا او خيار





خليه ينشف وبعدين حطي اي مرطب يناسب بشرتج

هم انا مو اي مرطب ارتاحت له بشرتي

اولاي شكثر يمدحونه بس كان يطلعلي حبوب

اكثر شي حبيته نيفيا بيور انيرجي فيه لمعه وايد حلوه




ومرطب هيمالايا فظيع كلش مو دهني مرات احطه قبل المكياج





واللي صج صج عجيييب كريم الفلبينيات اللي يصير لونه بيج بس مايصير تحطونه وتطلعون بالشمس

هذا يوحد لون البشره ويشيل الكلف ويصفي الويه ويشيل الرؤوس السوداء





في وايد انواع بس انا اللي استعمله اسمه ماجيك كريم

رخيص بدينارين ونص كل ماخدامتي تاخذ اجازه بتطلع اقولها اتيبلي ياه






يتبع .....................