[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
شاعر وليا مني ضويت اخر الليل =تجبرني حروف الشعر والكتابه
على الجزيل وجر بعض المواويل=لعيون بنت العز بنت المهابه
اللي غدى قلبي لها باول سهيل=تجر قلبي زين جر الربابه
وليا بدا الميدان وطبت به الخيل=تلوف كل الخيل مثل السحابه
منها غدى شعري مثل جارف السيل=ماينحدر الا بدرب مشابه
يابنت احبك حب بالطول والميل=لا لاتخافيني وخلي الرتابه
شعري شعوري صادق يمك يميل=ومتربع في عرش زينك شبابه
وان كان قلتيلي ترى الهرج لا يطيل=باقولك بالمختصر يالبابه
انتي ملاك غير عن كل ماقيل =وانتي غرابه صدق انتي غرابه
ولياختلفنا في كثير الاقاويل=بنتفق باخر حروف الكتابه[/poem]
وكلي امل ان تنال على رضاكم واعجابكم.................................. ....مصافحه اولى
شاعر الصمت؛؛؛؛؛؛؛؛؛؛؛؛؛؛؛؛؛؛؛س لطان بن فيحان