واطيري الي طار من كفي اليوم

[محمد الروقي]

[poem=font="Simplified Arabic,6,darkblue,bold,italic" bkcolor="transparent" bkimage="" border="groove,6,black" type=0 line=0 align=center use=ex num="0,black"]
وأطيري اللي طار من كفي اليوم

أقفا وأنا أوميله وأصيح وأنادي

رف الجناح وعلق الريش للحوم

وأقفى وكنه من حشا الروح غادي

أوميت بالغتره على راس مزموم

وأيست من طيري وجاني هجادي

تكفون يالشعار ماني بمليوم

فرخ ٍ يعشيني كبار الثنادي

في يوم طرحه بميتين الف مسيوم

وعييت أبيه ال مقنصي بالحمادي

ليا جا نهار فيه تجريب وعلوم

يوم ان غيري ماتعشاء جرادي

جبت اربعة والخرب وارانبي كوم

وراحت علوم الي ضحكبه دوادي

يوم ان مثلوثه من الصيد محروم

عــــود يعـلف له بقـــدح الزنادي

ونا على مركاي كني من الروم

هذي شروط ٍ بيننا يالعبادي

الي يجيب الهم عشاء ريس القوم

وأنا شهر مركاي هاك الشدادي

ولأنكر فعول الفرخه الي مع التوم

لكن طيري عـقبه اعلـن حدادي

قشران يا ضحاكة اليوم ورخوم


كم مرة ٍ قلت العشا ارنب عرادي

لكن خلوها دجاجه ومـــكتوم

وليا شبعتو عودو لزبادي
[/poem]

[سلطان بن فيحان]

محمد صح لسانك ولاهنت اشهد بالله انها جزله واجمل ماقرات لك لانها في الطير والصيد لاهنت على الدرر اللى متحفنا بها دوم جزله ومن جزل تقبل تحيتي يابورايد وسجل اعجابي بتوقيعك

[نواف الحربي]

للشعراء مايميزهم عن أنصاف الشعراء ولهم من الفلسفة الشعرية مايميزهم عن البقية

ولمحمد الروقي فلسفته التي تروق لي دائما

دمت بهذا الألق أيها الفيلسوف


تحياتي لك من القلب


,,,

[مهدي بن مسفر الحبابي]

صح لسااااانك وسـلم قـلبـك وبنانك


بيض الله وجهـك يا ابن البادية على هــذه الدرر


قصيده جـزلة من شاعر جزل ومتـمـكـن


حـضور مــمـيز ولايستـغرب التمـيز من أهـله


لك فـائق احـتـرامـي وتـقـديـري

[بخيتان اليامي]

[align=center]الاخ الغالي

محمد الروقي،

صح لسانك يامحمد.

قصيده معبره من شاعر جزل والله يعوضك عنه بأحسن منه.

دمت بالف خير،

أخوك:[/align]

[نياف العتيبي]

قشران يا ضحاكة اليوم ورخوم

................................... كم مرة ٍ قلت العشا ارنب عرادي

لكن خلوها دجاجه ومـــكتوم

.................................. وليا شبعتو عودو لزبادي



الله يلووووووم اللي يلومك

صح لساااااانك

راااااائع .. راااااااااائع

لاهنتتتتتتتتتتتتتتتتتتتتت تتتتتتت

وانا اقول الرجال اشتغل خياط ليه

اثر الطير رااااااااااح ..

ابشر بالعوووووض يالخاااااال


الناااااااااااايف

[خــــالـــــد]

[align=center]محمد الروقي

.
.

صح لسااانكـ أخووووي محمـد

الله يعطيك العاافيــة .. أبدعت فيها

سلمت يمنــاك

ننتظــرك من جديد




أخوكـ/خالد[/align]

[أبوعبدالرحمن]

الله


الله عليك يامحمد

جزل إلى مالا نهاية


صح قلبك وكلك

وسلمت اناملك


تحيتي لك

[صالح المرزوق]

بسم الله ..

صــــــح لسااانك يا محـمـــد . .

الله عليـــك . . جميله جدا ً هالحروف ,,, ورحلة أكثر من رائعه مع مفرداتك الفاتنه . .




صالـــح

[رشيد الكسر]

ابن الباديه
،
،
،
صح لساااااااااااااااانك الف والف والف


دمت بهذه الشاعريه المتميزه


تسلم وتدوم يالقرم


تحياتي

[خالد الشليخي]

[align=center]صح لسانك اخوي محمد وتسلم على قصيدتك البديعه

والطير الماخوذ ماله خاتمه أما غادي وإلا ميت

يعطيك ألف عافيه على إمتاعنا[/align]

[أمل عبدالعزيز]

.
.
.
أخي الكريم
قصيدة جميلة وعذبة
صح فكرك وقلبك
دام حضورك بوهج..

[مشاعر حالمه]

قشران يا ضحاكة اليوم ورخـوم


كم مرة ٍ قلت العشا ارنب عرادي

لكـن خلوهـا دجاجـه ومكتـوم

وليـا شبعتـو عـودو لزبـادي

صح لسانك يالروقي مليون ولاتهون ...


تحيتي لك /مشاعر حالمه..

[محمد الروقي]

محمد صح لسانك ولاهنت اشهد بالله انها جزله واجمل ماقرات لك لانها في الطير والصيد لاهنت على الدرر اللى متحفنا بها دوم جزله ومن جزل تقبل تحيتي يابورايد وسجل اعجابي بتوقيعك

شاعر الصمت

هلا وحياك

شرفتني ويسعدني وجودك بمنتديات غرابيل منتديات التعاون والاخوه

وليس لدي الا ان اقول صح بدنك الف مره

ولك تحياتي

اخوك ابن البادية

[محمد الروقي]

للشعراء مايميزهم عن أنصاف الشعراء ولهم من الفلسفة الشعرية مايميزهم عن البقية

ولمحمد الروقي فلسفته التي تروق لي دائما

دمت بهذا الألق أيها الفيلسوف


تحياتي لك من القلب


,,,

مايميزني هو وجود توقيعك على متواضعتي

ولك مني الشكر لقد كان وقوفك ولو بنظره وسام يحقلي الافتخار به صح بدنك وعافاك الله ولك تحياتي واحترامي