السلام عليكم ورحمة الله وبركاته
اخواني الاعضاء ابارك لكم بعيد الفطر
وكل عام وانتم بخير
وعساكم من عواده
هذه قصيدة متواضعة بهذه المناسبة
قلتها قبل قبل عام كامل
رحل كل شي وإنتهى إلا الذكرى والقصيده فقط
وأمل أن يتكرر الموقف رغم صعوبته
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
العيد ماهوب عيد الفطر وضحية = العيد عندي معايد من على بالي
العيد ماهو شرى ثوبِ وطاقية = ولاهوبكشخة ورزة شمغ وعقالي
العيد والله إلامن أتصل بيّه = ثم قال عيدك مبارك يا بعد حالي
من عقبها ما أعرف وشهو حصل فيّه = مدري ألاحي خفوقي ولا جوالي
خفوقي آحس فيه ألعاب نارية = ومن زود نبضة أحس إن فيه زلزالي
وجوالي اللي قبل قد أهدته ليّه =الله يخلف عليّه صابه خبالي
من حلو صوت الحبيّب ذاب فيديّة= ماعادبه فود في استقبال وإرسالي
من نغمته قلت يا مرحب وياحيه = من يوم رنّت "هلا بالطيب الغالي "
لأني مخصص لها نغمة فقط هيّه =وعند الجماعة وكني جالس لحالي
غديت أهوجس وأقول أشعار حبيّة = وأبداع من جزال شعري بيوتِ جزالي
من صوتها اللي جمع رقة وحنيّة = شوفوا وش اللي حصل لي وويش يجرالي
وش لون أجل لأجتمع مع صوتها جيّه = عز الله اللي قضيت وجاني هبالي[/poem]
وسلامتكم
أخوكم حزين الحرف
عبد الرحمن سعد
رد مع اقتباس
