[grade="DEB887 FF6347 8B0000 DC143C D2691E"]خذيني من عنا وقتي وأحزانـي وضمينـي
خذيني شاعر(ن)تايه بلا مرسـى ولا مينـا
ونا مـا ارتجـي الا سـوى انـج تحبينـي
وصيري للهوا مرسى واذا ضاعت عناوينـه
خذيني شاعر(ن)فاقد وطن حبـه وسمينـي
وطن حبج وطن عمرج على كيفج تسمينـه
الا يالهفـه الخاطـر ياحلم(ن)مايخليـنـي
خذيني لو مثل طفلـج وطفلـج لا تخلينـه
تعبت أمشي من أحزاني ورجلي ما تمشيني
واحساس الالم قاسـي ولا ابغـي تحسينـه
ولا صاحب ولا أحباب سوى حرفي يواسيني
وشوفي جرحي النازف سكن جرحي سكاكينه
واحساس الفرح والله بـلا سبـه يجافينـي
ومثلي يكسر الخاطر وحزنه ساكن(ن)عينـه
وخلي ما نشد عنـي ولا شفتـه يحاتينـي
وش اللي يمنعج حتى حبيبج مـا تحاتينـه
تنكرتي ولا همج وش اللي صاير(ن)فينـي
ورقمي بالغصب طبعا عقب فتـرة تدقينـه
ونا من لهفتي أصـرخ وأشواقـي تبكينـي
وأبات أسهر مع طيفج على ذكـرى ليالينـا
وأبات أسهر ولا القى سوى دمعي ينادينـي
ومن همي بديت أدعي عسانا مـا تلاقينـا
بديت أدعي عسى ربي على قبري يودينـي
ولا مركب ولا شاعر ولا مرسـى ولا مينـا [/grade]
التوقيع/ مركب بلا مرسى
رد مع اقتباس
[/align]
