أسباب رسوب البنات

[غادة]

الثلاث الوجبات الرئيسيه لازم تقعد عليها اول وحده وماتقوم الا اخر وحده جوعانه المسكينه ياحرام هههههههههه واحيانا تزيد وجبات اضافيه اذا كانت الماده دسمه بزود

تقعد تسوي روحها طفشانه وتعبانه ويااااربيه ماني قادره اذاكر مادري ويش فيني حاسه بكتمه يمه .. الظاهر احد قاري علي والا صاكني عين... تقعد امها تقول باسم الله عليش... تعالي اقرا عليش يابنيتي
كل هذا عشان اذا سقطت يقولون عين هههههههههههههههاي

بعضهم ينزل عليها وسواس نظافه ايام الامتحانات تتسبح الصبح والليل وتستشور شعرها كل مره طبعا مايصير تخليه يخترب وباجر شلون تروح الجامعه والكتاب على جنب طبعا هذي من واجباتها اليوميه ماتقدر تتركها عشان تذاكر مايصير

هذي تترك الكتاب على جنب وتقوم تقيس نفانيفها اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين..... لا وبعضهم ليلة الاختبار عند الخياط رايحه تسوي بروفه ههههههههههههاااي

أما هذي فالته كتابها في! الصاله وداخله تكتب ايميل للقروب مو معقول ولا مرة شاركت ابد... جتها الفكره لازم تقوم تكتبها قبل ماتطير (كح) احم

وبعضهم تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها.... تبي تشوف وش صار عليها وتشغلها عن المذاكرة...... حسسد ههههههههههه

وهذي تنزل عليها الشطاره فجأه تقوم تسوي العشا لاهلها... وتغسل الصحون عن الشغاله وتقولها اطلعي نامي انتي خلاص انا اكمل
(مقابل الجيش ولا مقابل العيش)

وهذي مبتليها ربي بحب النقال قالبتها تشات حشا مو مسجات وماتصحى على نفسها الا قبل الفجر بساعتين

وهذي المسيكينه الله من قل الحيله تعور القلب لين قفلت وياها قضبت
المخده ونامت لين تقعد وتقول يوووه راحت علي نومه

وهذي ايام المتحانات تنزل عليها حالات غريبه كل شوي مشتهيه اكله معينه وماتلقى الدليفيري الا رايح جاي رايح جاي.....يعنني اذاكر.. وامها ايه يا بنيتي وش تبين بس.......قال ايش تبي تساعدها عشان تنفتح نفسها للمذاكره ماتدري ان كل هذا هروب.......هالنوع ماتنتهي
الامتحانات الا وهي زايده 4-5كيلو


منقول

غاده

[JAWAD]

هلا فيك اختي غادة

واشكرك على الموضوع الجيد ولكن اسمحي لي بنقل موضوعك من منتدى البرامج إلى المنتدى العام ....حيث انه المكان المناسب

تقبلي شكري وتقديري

اخوك/ JAWAD

[غادة]

يا هلا فيك اخوي جواد

اشكر لك اطلالتك الحلوه

دوم خلينا نشوفك


اختك غاده

[قوت القلوب]

ههههههههههههههههههههههههه ههههههههههههههههههههههههه ههههههههههههههههههههههههه



يسلمووووو اختي غاده على الموضوع



يااربي ليش حاطين على البنات



سي يووووو

[غادة]

ههههههههههه

حبيبتي قوت هذي حقيقتنا ؟؟...............


انا شايفه اقول اسال مجرب ولا تسال خبير >>>>>>>>>>> مالت علي

مجربه

لا يكون انتي بعد وياي ؟.....

اعترفي كلنا بنات مني

تحياتي

[قوت القلوب]

انا قوت قوته اعترف اما المحكمه اني اذا شفت درجاتي موزينه ونازله اقول انها عين ماصلت على النبي او ان ازعاج اخواني هم السبب

والمشكله مني بس جالسه على النت والتلفزيون




والله وانتي صاجه وانا اخوتج ياغاده حركات بنات الله يستر منهن



سي يوووو

[غادة]

ههههههههههههههههههههههههه ههههههه

بعد ... اجل وش الي يقولك انا .... والله اجي انام اشوي على الساعه 12 اجلس طبعا بالظهر اذاكر ومن تجي الساعه 9 واذا ما خلصت انزل اصيح على امي

والله واليوم جالسه تتشمت فيني

والله الدراسه ما قصرت فينا الله ياخذها ... لا وهذاك اليوم من كثر البكي والله تعبت وودوني المستشفى

الله يعينا .. خلي تطلع النتايج ما تبشر والله لاهد حيلهم زين

[قوت القلوب]

يؤ سلامتج اهم وانا اختج ماتشوفين شررررر


ابي اسألج انتي اي صف اذا مافيه احراج

[نظـــرة أمـــل]

والي مسكينه نزلة 5 كيلو في الأمتحانات:(


بس تصدقين الأمتحانات حالة أستنفار في البيت كل من يشوفك يقول رووووووووووووووووحي ذاكري يابنت

يجي البيت كله أهتمام فيك بشكل غير طبيعي

وهذا الموقف من جد صارلي مع شغالتنا كنت مخليه باب غرفتي مفتوحه وجالسه أذاكر على وقت الفجر الا في خيال أحد يطل على ويروح قلت يمممممممممه شكله حرامي :)

المهم وأمسك أعصابي وركز وأسئل الهي شغالتنا تقولي أنت في درس
ناظرت فيها وقلت أيه ليش؟؟
قالت ماااااااااااااااافي شيء بس أنت ممكن يبغى نسكافيه
قلت لها لا شكرا
قامت راحت ورجعت وأبتسمت وهي تقول أنت كويس لازم في قوم عشان درس :D

[غادة]

الشر ما يجيكي عيوني

انا ثانويه عامه .... خلصت اخر سنه ..... باركيلي

ما صدقت على الله


وانتي باي صف.... انشا الله وياي علشان ما تنتظرين الي شفته

بشريني بس


تحياتي

[شرقاوي]

رسالة الى كل الدراسين عليكم بالنوم مبكرا عشان لا تروح وانت تفقفق فمك على ورقة الامتحان همن تقول يووووة الاسئلة صعبة خذ معك كم قلم عشان يقولون وش عندة هذا بيحل كل الاسئلة الى خلف الورقة

ليلة الامتحان عمل المراصيع يزيد من فعلية التركيز في المذاكرة اذا نادتك امك قولى سمى عشان ياربي يخليك ويوفقك يابنيتي وبكذا تعملين شي مو طبيعي الصبح

بعدين اكمل

[غادة]

عزيزتي نظرة امل
اي والله يا اوخيتي ... مثل ما قلتي صج ايام الاختبارات ماساه عانينا منها
الله كان في عونا احنا البنات على الاقل مو مثل الشباب يمشو درجه من هنا ودرجه من هنا .... حنا نبي الدرجه الكامله وبس ننقص ربع شلنا الدنيا وجلسناها
اها يالله سنه وعدت الله لا يعودها من سنه ....
اقولاجل انتي شكلك من تبعي ... اقول مبررررررررررررووووووووووو وك خلصنا الثانويه العامه ولا انتي مو معاي؟؟؟ ولا تذكرين ايام قبل ...؟؟؟؟؟

اوكي حبيبتي لك تحياتي

[غادة]

اي يا وخيي شرشر

على قولك ... مشكور على اطلالتك ونصايحك .... بس زين ما قلت براشيم

حاكم شكلك معرووووووووف فيها

ننتظر النصايح الباقي ... وقت ما تذكرت نصيحه الحقنا فيها للجيل الي جاي اوكي

غدااااااادي

[نظـــرة أمـــل]

لا والله جامعة :(

يازين الثانوية عندها

[هيام الروح]

جيت ارز وجهي بسسس

اشكريني غاده بسرعه ترى ماني فاضيه لك مع وجهك