[poem=font="Simplified Arabic,4,darkred,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
يا ناشدٍ عني ترى حالي بخير=نفسٍ سموحه تقبل الرّبع و النص
قدام لا تملي علينا المعاذير=إعرف ترى الاعذار في زودها نقص
لا تبحث الاسرار خلّ الخفا بير=نرجو الهدو لا توقظ النايمين .. أُص
ثارت على جرّتْك شعف ومعاصير=والله جعل روض الغلا جوٍّ أبحص
يا كاتب الكلمه على سطر تزوير=نقّ الضماير قبل لا تكتب النَّص
من علّق الصّلبان في روشن الدّير=يسجد سجود الشرك حكم التخصص
واللي قـنى المعروف ما يلحقه ضير=ما يندم إلا بايع الطيب بالرّخص
مْـن أولى محفي القدم بالمشاوير=أتبع هواكم من ردى الحظ كالقلص
تقطعت الاسباب يا مخلف السير=والروح كلّوب الهوى شصّها شص
أشفق عليكم مثل خطوى المداوير=جرّة ذهيبه في الثرى قصها قص
واليوم ما نبدي كثير التفاكير=أقبلت وإلا أدبرت مانيب لك حَـرْص
ما عاد لي في قرب نفاخة الكير=والقلب من صالي سنا ضوّهم كَص
قال المثل والعقل له حسن تدبير=" يرتاع من حبل الرّوى ذايق اللقص "[/poem]