[poem=font="Arial,6,black,bold,normal" bkcolor="transparent" bkimage="backgrounds/13.gif" border="groove,4,gray" type=1 line=1 align=center use=ex num="0,black"]
صلو على النبي
يرمعني الهاجوس والشعر رمعات = واسري مع الهاجوس واضبط غناها
ابيات شعر(ن) في ضميري جزيلات = تصبح قصيده تعجب اللي قراها
والشاعر الفاهم ليا جته الابيات = يفز فزه تعتلي في فضاها
شاعر واعرف الشعر نزله وطلعات = ببيات شعر(ن) عالياً مستواها
اطوع القيفان رغم الصعوبات = والصعب ياتي رغبة(ن) في هواها
ياهاجس الاشعار ماهي بدايات = انا هواي ورغبتي ملتقاها
وانا فدا للي عيونه وسيعات = اللي خدوده تعجب اللي يراها
يامفصلين الثوب خلوه جنزات= احدث موديل(ن) فالدول مشتراها
موضه حديثه من جديد الموديلات= ياويل حالي لامشت في خطاها
خطواتها فالسوق خطوه وتكات = ياحظ منهو بالرصايد خذاها
في شاشة التلفاز ماله وصيفات= بنت الخليج وتذبح اللي بغاها
مالوم مصلح لو بدا جر الاصوات= فالبنزقاور سامعين(ن) صداها
هاذي حقيقه في بيوت(ن) قصيرات = هوجاس خالد في قصيده بناها
من يبدع الالحان مع كل دخلات = يحصد جزيل الشعر في منتهاها
تمت وانا ماحب بعض الطويلات = وماقل دل وستر ربي غطاها
الاكيــد
خالد عتيق النفيعي[/poem]