[align=center]بسم الله الرحمن الرحيم
السلام عليكم ورحمة الله وبركاتـــــــــه ....
الصراحه وبالمختصر المفيد القصيده جتني على الإيميل
وأعجبتني كثيــــــــــــــر ... وحبيت تشوفونها
وتستمتعون بهااااااااااااااااا[/align]
[align=center][/align]
[align=center]ياوطن كلن تنعّم بخيـــــراتك وعاش
غير أنا لاجيت أبي منك قالوا ماعــليش
من ثمان سنين أدور على مصـدر معاش
ولا سلمت من الكلافة ولا حصلـت عيش
ولا كسبت من الرخاء لا جلال ولا قشاش
يوم بعض الناس لا راجع حسابه يطـيش
ياوطن مابغى زيادة ولا شي بــــلاش
بس ابي لي ياوطن مثل ما لأحـمد خريش
من هموم الدين عفت المخده و الـــفراش
حازمن بطني وصابر ولا أحد قــال ليش
ليش يلحقني ظما فيك والدنــــيا رشاش
ليش أجوع وكل الاسلام من خـيرك يعيـش
ياوطن لولا محبتك ماطال الـــــنقاش
سقت رجلي واستعديت للـــدرب الوحيش
مير أشوف أرضك بساتين وانجومك فـراش
لين صرت أمشى على الشوك كني فوق ريش
أيه احبك والأوادم تحت ستر القـــــماش
يوم بان العيب والغش في القلب الغشـــيش
كم ضعيف راح يطرد ورا ضوء الفـــلاش
واستباح مسامر الخـــمر واستهوى الحشيش
مايبيعك ياوطن غير لاش وابــــــن لاش
والملوك يميزون الأصيل من الكــــــديش
دام حكامك هل الدين حـــــــدك مايناش
وكلنا لك ياوطن ساعة الشــــــدات جيش
ياوطن ودي بشي يساعد مير مـــــــاش
والسنين تمر والعمر يســـــــرقنا شويش
بجاه من ثبت ركونك عقب ماهي هــــشاش
من سكاكا للحـــــــساء للحرم لبو عريش
وجاه من والاء مسيره بـــــعزم وربط جاش
جاه ابن حثلين وابن مــــــــحيا والدويش
حطلي نقطــــة بداية وعـــطني منك كاش
دلني واظمن لي العيـــش ولا احيـاء من أيش
والختم كل تنــــعم بخيراتك وعـــــاش
غير انا لا جـــيت أبي مـــنك قالوا ماعليش
+ + + + + +[/align]
رد مع اقتباس
