السلام عليكم



شلونكم يا خواتي


عدّت علي مشاكل بعدد شعر راسي وقدرت احلها الحمدالله باللجوء لرب العالمين وبمساعدة طرف اخر ثقة

لكن مثل هالمشكلة في حياتي ماصادفت مثلها مشكلة


شصاير بنفوس البشر

كل يوم عن يوم تجي صدمة منهم

لكن بنفس الوقت اقول الحمدالله انه رب العالمين يكشفهم على حقيقتهم حتى نعرف شلون نتصرف معاهم


حسبي الله ونعم الوكيل على كل ظالم وكل منو يسيء للغير


قصتي مع جارة لنا لما عرفت بوضعها المادي السيء وظروفها الصعبة وزوجها اللي تزوج عليها وعايش في بلد ثانيه ويا الله يقدر يطرش لهم مصروف كل شهر بشهره وما يكفيهم

كنت اتردد عليهم كل فترة والثانيه اشوف شنو يحتاجون واقدم لهم اي مساعده لو كانت بالشي البسيط واحاول اشوف لهم عيال حلال فيهم خير ويقدمون مساعدات لها ولعيالها


والله ثم والله ثم والله يا خواتي اللي سويتها لها ما تسويه اخت لاختها هالايام

حتى خواتها يدرون باللي اقدمه لها ويشكروني كل ما شافوني وانا اقول لهم افا عليكم اختكم مثل اختي

والله العظيم كل ما دشيت عندها مستحيل ايديني تكون فاضيه


وعيب علي اقول شنو قدمت لاني مو من هالنوع اللي تحب تظهر نفسها جدام الناس وشنو تسوي


لانه عندي مبدأ سوي خير وقطه في البحر

واليد اليمين ما تدري عنها اليد اليسار


المهم

صارلي سنتين اعرفهم والحمدالله ماقصرت معاهم بشي

كا ماقالت لي نهى انا مشتهية شي وانا اقول لها حاضر ماطلبتي شي

وان شريت شي اقسمهم بالنص بيني وبينهم


جارتنا هذي لها اخت عسى ربي يهديها في شي غلط بشخصيتها متناقضه وفيها جذب وغيره وغيره
غير عن كل خواتها ماشاءالله عليهم


من قبل فترة لما كانت عيوني تعبانه جارتنا كلش ما سمعت صوتها حتى تتطمن علي وكانت دايم دوم تدق علي وحيل تغيرت

انا قلت يمكن عندها ظرف ومتضايقة من شي وتركتها على راحتها وقلت ما عليه التمس لاخيك عذر


ووحده من الجارات لما كانت زايرتني حتى تتطمن علي تقولي ما دقت عليج ام فلان اللي موضوعي يتكلم عنها

قلت لها لا والله مادقت ولا سألت

الا تقولي يا نهى انا بقولج شي لاني احبج وما بي احد يستغل طيبتج

هذي الجارة لما التقيت معاها وكانت اختها عندها وصاروا يتحجون عنج ويحشون فيج والكلام اللي قالونه عني للأسف يا خواتي كان صحيح

وسبب التغير هذا لما كنت مسافرة اخر مرة انا تذكرت خواتي اقرب الناس لي وصديقة عزيزه علي ماقصرت معاي بهدية بسيطة

وجارتنا كنت مواعده بنتها الصغيره بهدية حلوة

اما أخت جارتنا شكووووو اشتري لها هدية وماكو بيني وبينها شي

اختها اللي سوت مشكلة وشيشت اختها علي والسبب ليش ما يبت لها هديه

وللأسف يا بنات

هالكلام كان منتشر بين كل الجيران اللي يعرفوني

مو جان المفروض جارتنا تقول لاختها عيب يختي نهى ماقصرت معانا بشي

للأسف تمت ساكته وراضيه بالشي اللي صار

وعقب الكلام اللي صار علي كانت جارتنا متواصله معاي وانا ما كنت ادري بالكلام اللي انقال عني بين الناس

ان لم تستحي فانصنع ما شئت


اكيد ماكو شي يضيع عند رب العالمين


لكن ما احب احد يستغل طيبتي وحنيتي


والله خايفه يا خواتي انه يتولد الحقد والكره بداخلي


مشكلتي اني طيبه حيل وانا احب هالصفة ومتمسكه فيها


لكن الناس آآآخ من الناس اللي مايقدرون شنو نقدم لهم


حسبي الله ونعم الوكيل على كل ظالم وكل من سوينا له خير ولقينا منه شر



هالموضوع كان بالنسبة لي صدمة بس حمدت ربي عليها لانها عرفتي شي كنت غافله عنه


عرفتني على ناس تتمسكن حتى تتمكن

عرفتني على ناس ضحكت علي وقالت انها محتاجه وتبي مساعده وفي النهاية اكتشف انه وضعها تحسن ومو محتاجه شي


صرنا في زمن قلّ فيه الاوفياء والناس الثقة


الله يعينا يااارب

قسما بالله شي يضيق الخلق ويحرّ