يالله ياشباب ارجو من الكل ان يدخل ويكمل على الحكاية تخيلو اننا عايشين في بيت واحد

[الحزينة المرحة]

يالله ياشباب ارجو من الكل ان يدخل ويكمل على الحكاية تخيلو اننا عايشين في بيت واحد وانا اهو بديت الحكايةوانتو كملو عليها



اوكي


يالله بسم الله بدأنا الحكاية

تخيلو اننا عايشين في بيت واحد
وعاد اصحى انا من الصباح اااااااااااااااه على صوت احلى العصافير
المهم طلعت من غرفتي وألاقي اخوي المملوح نايم على الكنبة في الصالة وحوليه علب العصير واكياس التسالي
وحالة الصالة حالة وعاد شفت الصالة حايسة واقوم واصيح باعلى صوتي
المملوح يالمملوح قوم ليش نايم هنا وايش الحوسة هاذي الي مسويها كذا وعاد صحي من نومه يقولي ان اخوي عشق ليل هو اللي طردني من الغرفة وسالته عن السبب قال ماادري وعاد رحت انا وانا معصبة لغرفتهم واصيح باعلى صوتي ياعشق ليل ياعشق ليل وانا اصيح باعلى صوتي عاد طلعو اخواني والوالد والوالدة واخواتي على الصوت والصياح وانا انادي عليه وشوي عاد تجي حساسة وتقولي هدي اعصابك يا الحزينة قلتلها ابي اعرف ليش طاردة من الغرفة 000000000

وعاد الى هنا انا تعبت وانا احكي يالله اللي يقرا بعدي يكمل ايش سبب طرد عشق ليل للمملوح نبي نعرف ايش السبب
يالله شدو حيلكم وكملو







:D;)|3||3||3||4||4|

[الأميرة الناعمة]

بعد ما قلت لك هدي اعصابك

و جلسنا نسمع تفسير عشق ليل

قام يقول انهم تهاوشو مين يجلس على النت

و فكر عشق ليل بفكرة انه يشوته بره علشان هو يجلس

قال له طيب جيب اكل علشان نجلس مع بعض

و يوم جاب الا شاف عشق ليل مقفل الباب و اوووووووووت طارده برا

و جلست ماما تهاوشه وتقول له حرام هذا اخوك تسوي فيه كذا

و بعدين جلسنا انا و الحزينه نقول طفشانين

و كلمنا السواق و طلعنا نتمشى

و خلينا الباقي يتهاوشون في البيت

يلا كملوو :D

[راشـــــد]

أنا كنت نايم برى البيت

مااحد يدري عني


كنت سهران


المهم جيت اتسحب بشويش

ودخلت البيت بالليل

لقيت عشق يتهاوش مع المملوح

ويقو له ماراح تدخل النت واناموجود

يعني الخطا من عشق مو المملوح

من يكمل

[المملوح]

اهيئ اهيئ اهيئ انا اوريك ياعشقوه تلعب علي تقول رح جب العصير والبطاطس من الثلاجه وتقفل الباب بس اصبر لين يجي سهم المنايا من السفر والله لاخليه يصفقك على اذنك...
المهم حسيسانه طالعه هي والحزينه شوي والا المستشفى يتصلون يقولون ان بناتكم مسوين حادث ومتكسرين والحين هم في العنايه المركزه وقام عشق اخذ الوالد والوالده يوديهم للمستشفى وانا دخلت للنت هيييييييه........


اللي بعدي يكمل السالفه في المستشفى

[مجروحة الزمن]

ههههههههههههههههههههههه

هذا جزاتهم عشان طلعو من وراي وماخذوني معهم:D


ويوم راحو المستشفي

لقو حساسه وحزينه

جنهم ينانوه مافي هم شي

بس هذا مقلب من مقالب حسوسه اللي دايم تسويها

والحزينه مسكينه اي شي حسوس تقولها تقول حاظر يا اختي:D


عاد عشق انقهر منهم جان يمسكهم من كوشتهم ويردهم البيت



كملو عاد

خخخخخخخخخخخخخخخخخخخخخخخخخ خخخخ

[عزوز]

بصراحة بقول لكم سبب المشكلة وترى المخطي مو عشق ليل المخطي مملوح لانه اليوم اللي قبله هو اللي قاعد على النت وعشق ليل ماقد خطر على باله ولن يخطر على باله في المستقبل ان النت بينتوقف عنه دقيقة وحدة حتى اني شفته كم مرة يدق انتر بخشمه من النوم اللي فيه ويقوم شوي ويرقد شوي ومواصل وعيونه زي كذا دايما اذا جاه النوم


واما اذا صحصح اسالني عنه صارت عيونه كذا


والمملوح يبي يعاند عشق ليل مو كل هذا يبي النت بس عناد

يوم جا هالليلة اللي حصل بها المشكلة عشق ليل خايف ان مملوح يسوي له نفس الحركة اللي سواها امس قام وقال للملوح رح جب العصير

والبطاطس

اللي بالثلاجة
يبي يموه عليه لان عشق الوقت الذهبي له على النت بعد العشاء راح المملوح وجاب العصير والبطاطس من الثلاجة يوم جا لقى عشق راح للغرفة وقفل على نفسه المملوح قفلت معه وقام يخبط على الطاولة
وعلى الباب وعشق ليل مبسوط ومبررررررررررررررررد
والمملوح جسمه مايساعده على فتح الباب بقوة ولانه طفشااااااان


ونحيف
اما عشق ليل ويييييييييييييييين قوي وراعي اثقال


المهم ان المملوح مثل ماقلتوا يااخواني رقد من الصياح وانا قاعد اضحك عليه واستهبل قدامه


وطفش مني
وعشق مازال عند النت وداق النظارة



وراح ينام

[عزوز]

يوم جاء الصبح مثل ماقلتوا لان سوسي توها مشخصة بتروح للعمل




شافت راشد قايم من الصبح مبكر مايحتاج قاعد يدق عود على الصبح

قالت وش القصة وش ذا من هذا اللي حاس الصالة اكيد المملوح قال ايه قالت وليش قال قومي المملوح واساليه جت له وقومته
قالت وش هالحوسة قالت يالله نظفه قال عشق ليل اهو السبب قالت المهم نظفه ولا لك شغل وعشق بيجيه جزاه
والمملوح مابرح دايخ فيه النوم مافيه حيل


وقال المملوح خل سهم المنايا يجي وانااعلمه لان سهم المنايا هو اللي يحبه من بد خواني كلهم
لان سهم المنايا عنده دورة بالموسيقى والغناء



واناقاعد بالمزيكا على راس المملوح لااااااااااااااااااااالال الالالااااااااااااااااااا ااااااا


وهمس المشاعر اخوي الصغير قام على ازعاجي مسيكين طار عنه النوم


قاموا الوالد والوالدة يفطرون وشافوا اللي صار المهم حساسة

والحزينة راحن وسوى حركة المملوح وقال لعشق اخوي عششششششششق اطلع المستشفى يقولون ان حساسة والحزينة جاهم حادث بسرعة لازم تودي ابوي يشوف اللي صار عشق نط من مكانه مايدري وش السالفة وطلع بسرعة للسيارة يشغلها وصارت خربانة ماصبر الى ان يعرف الموضوع فتح كبوت السيارة يشوف وش فيها ماشتغلت



وبعد شوي جت حساسة تقول لعبنا عليك كااااااااااككككككككككككك
والمملوح مبسوط من بعيد عند الباب يضحك على عشق


راح بسرعة ودخل غرفة الكمبيوتر وقفل عليه وزعل عشق وقفلت معه وقال هين اوريك

بس كل هذي المشكة

[الأميرة الناعمة]

ههههههههههههههههههههههههه اي

وناسةاموت في النذالة :p

المهم بعد ما رجعت من الدوام

رحت لغرفتي علشان انام

الا اشوف عشق ليل نايم على سريري

افسخ عبايتي و بالمخده على راسه يقوم يا مال خشتك الصلع

قوووووووم

ابد لا حياة لمن تنادي

جاتني فكرة عبقرية

قلت المملوح وده انه ينتقم

ناديته و قلت له ودك تنتقم هذه فرصتك

و ناديت شأشألي وهيام الروح و الحزينه

و ربطنا عشق ليل من رجله و يده في السرير و هم نايم

و نادينا كل اللي في البيت علشان يشوفون الانتقام كيف

و يجيب المملوح مويه بااااااااااااارده

و طشششششششش على وجه عشق ليل

نقز يبي يشوف وش صاير الا هو مربوط


و صرنا نجيب ثلج ونحطهم على يده و رجله و وجه

بعدين الا تنقطع الكهربا

و نسمع صوت شي يتكسر

و ناس يتكلموون

بعدين ايش صار

كملو

[أبوعبدالرحمن]

ههههههههههههههههههههههههه هههههههههههههههههههه
برررررررررررررررررررررررر رب بجهز لكم تكملة خرافية

[مخاوف قلب]

ابد ابد



الانقطاع شي مو غريب خصوصا اذا كان في البيت وحده مثلي انا


حاطه مستودع البيت حقل تجارب





من صباح الله قمت واناظر والا الاهل يتهاوشون والله واسحب روحي واروح المستودع وابدا احضر مواد تعمل على فقدان عشق للنذاله وتعليم حسحس الرحمه


واقعد احط واخبص بهالمواد وجيت بخلطها ومارضت تنخلط واجيب خلاط المطبخ ويوم شغلته والا طاااخ طيخ ويطفي الكهرب



<< الاخت عملت التماس




المهم اني طنشت وقلت لازم اخلص حتى لو الكهرب مطفي



عاد الاهل ماتوقعوا اني بالمستودع لحد الان وراحوا يدورون عني


وجاك المملوح زعلان من الغرفه لاننا خربنا عليه جلسة النت



وراح ابونا غرابيل عاشق وامنا الرهيبه عشان يشوفون الكهرب والمشكله انهم مايعرفون شي ولله الحمد وعلى بالي رايحين يصلحونه



و



كملوا



صي يوووو

[هيام الروح]

اما انا فخيشه نوم

مدري وين الله حاطني فيه

احداث تاريخيه من قبل اخواني وانا رايحه وطي مع النوم

[المملوح]

وش ابشركم اخوي سهيمان اتصل اليوم ويقول انه بيجي قريب
وقلت له يشتري لي لاب توب عشان افتك من عشقوه وقال لي
الله يرحم حالك لو معي فلوس اللاب توب كان شريت بها ونيت
لاخونا وينك قلبي بدل مايروح للمدرسه على رجليه......

وبعدين اليوم دور هياموه الدبا (خارج الخدمه نايمه) اللي تصلح الغدا
لان حساسه دورها يوم الخميس عشان ماعندها دوام وامس مخمخ
حرقت علينا الغدا والشغاله منحاشه طاقها رويشد عاد دايم ابداعات
هياموه في الطبخ..انواع النذاله في البيت مليووون شخص وتسوي الغدا
شوي تقول ابيكم تسوون ريجيم....بس انا احب طبخ اختي عجايب اللي
نايمه في بيت خالتي عشان يوديها سواق خالتي للجامعه..





يالله اللي بعدي يوسع صدره...