[poem=font="Simplified Arabic,4,black,normal,normal" bkcolor="transparent" bkimage="backgrounds/24.gif" border="none,4,gray" type=1 line=0 align=center use=ex num="0,black"]
( فازت الذلول "شودة " بسيف أمير قطر , فقلت هذه القصيدة إهداءً لصاحبها
سمو الأمير سلطان بن محمد الكبير لمحبتي الكبيرة لهذا الرجل النبيل .
عادات شودة وعاداتك ياشبل السعود = حصد النواميس مهما يصعب إلحوقها
مجدك تعدّى المحلية وفاق الحدود = والسيف جبته من الدوحة ومن نوقها
يومٍ نخوهن وهد اللكز حيل القعود = نخيت شودة وردّت لك على ذوقها
مبروك مليون ياميرٍ كريمٍ ودود = رفعت راس السعودية ومن فوقها
لاقلت سلطان سال الدمع فوق الخدود = من كل عينٍ أبو نايف هوإشروقها
دمع المحبة لجل سلطان دايم يجود = ياكثر ناسٍ غدا سطان معشوقها
تدعي له الأم والطفلة وناسٍ سجود = سلطان يسكن بمهجتها وبعروقها
وتذكر جميله شعوبْ خان فيها الجحود =ضاعوا بدنيا عسيراتٍ هي إطروقها
سلطان فرّجلهم سلطانٍ بحرٍ يجود = كفه سحابة تسوق الخير ببروقها
كل المشاعر تغنّت له ومعها الورود = تنثر على القاع عطر الحب من شوقها
ياسيد الجود كل الخير فيك إمعقود = لاشفت كفك أشوف الخير بعروقها
صفْحَتْك بيضا مثل وجهك وعزك يزود = ياما يتامى وضعت الخبز بحلوقها
وكم من ضعيفٍ عُقُبْ ماعيشته باللهود = طعم السعادة بفضلك أصبح إيذوقها
الله وهبك الصخا والله غرس فيك جود = والله خلق هاالأوادم عارف إفروقها
ماشان وجهك إليا جاك الضعيف إمحدود =سقته الأيام من داها ومن عوقها
تضحك بوجهه لو الزوار عندك حشود = إلين عينه يزول العمس عن موقها
ويرجع لبيته عقب ماشلت عنه القيود = غانم وسالم من الونات وإحروقها
كسرت بينك وبين الناس كل السدود = تستقبل الناس دانيها ومرموقها
من وين مارحت ياخيِّر بذلت الجهود = رجليك للخير ماملّيت من سَوقها
في كل أرضٍ بها مسلم لخيرك شهود = كم دار برٍّ فسيحة شدت طابوقها
ماتنتظر صفقة الموسم وكسب العقود = ربطت نفسك بربٍّ يعلم إصدوقها
ياحي هاالوجه ياسلطان نسل الأسود = كل القصايد على شانك على ذوقها
حناّ نحبك ولانأبه بكيد الحسود = وطبع المحبة كثير اللي يبي إيعوقها
شعر\ حمدان بن سالم العنزي - عرعر-[/poem]