[poem=font="Simplified Arabic,6,black,bold,normal" bkcolor="sienna" bkimage="backgrounds/11.gif" border="none,4,darkblue" type=2 line=0 align=center use=sp num="0,black"]
طابتلي السهره وزانت علومي =
انا وهاجوس القصايد مع الليل
اجمع شوارد شعر واطرد همومي =
اسلى واسلي خاطري بالتماثيل
ارفع خيالي يم هاك النجومي =
مالي مع اهل الارض شف وتعاليل
ياسامعي بالله حذرى تلومي =
عذري معي بس انت خل التفاصيل
ابستبيحك عذر واخذ هدومي =
واوراق شعري والقلم والمراسيل
ماني سفيه ولاني نسيت السلومي =
لاشك ضاقت بالدموع المناديل
مليت واقف واتحرى القدومي =
مليت اغني للاصّم المواويل
ضاعت علومي في سبيل الحلومي =
وظنيت احصل بالمفارق مواصيل
حالت تناقض بين برد وسمومي =
اعدل اوضاع الزمن وارجع اميل
وادعي عليها علها ماتقومي =
واستغفرالله علها للتساهيل
اللي خذت من وسط الاعيان نومي =
وخلتني ارثع في زمان الغرابيل
اقفت بيومٍ كان ظني تدومي =
وراحت وخلتني علي سكة الويل
ولجت ضلوعي يوم ضاعت عزومي =
وصوتله باخر رمق مابقا حيل
احكم وصّوب للضماير سهومي =
وش عاد ابخلي من الهم واشيل
وصارت طيور الهم حولي تحومي =
ياكيف ابرجي يابو صالح محاصيل
قلت اتسلا في طويل الرجومي =
اقبر همومي واتحرى المقابيل
واقول لواني بطبعي كتومي =
ماعادلي بالوقت حيله وتعديل
الصدق يكذب والاماني ترومي =
ياكثر كذبك يازمان التهاويل
بسلك طريقٍ غيروارقا النجومي =
واقند ايام التعب للزمن هيل
هاذي شوارد شعر فيها ختومي =
ماذم من لجنه وناقد وتحليل
شاعر ورقمي مااعتلته الرقومي =
والشعرعندي له مكانه وتبجيل
اشحن خيالي واعتلي للغيومي =
واشعل حروفي في زماني قناديل
تروح يوم ويوم ترجع همومي =
هاذي حياتي مع زمان الغرابيل
[/poem]
رد مع اقتباس
المشاركة الأصلية كتبت بواسطة مشعل الشايقي
