مساءكم سكر :
أهديكم من القديم الذي مازال يبعثرني :
ابد ماعادت ضلوعي بلادك ياخلي البال
تركت الحب وأهل الحب وعدت لغربتي داله !!
ماعاد يهمني هذا الهوى والحل والترحال
ولاعاد يشدني رمش تغيب الشمس بظلاله !!!
هذاك اول يجمعنا بلاموعد (عبث أطفال)
وكنت انت الوحيد اللي احبه واعشق جداله !!!
اجيك بكل مافيني (جنون وشيطنه وهبال)
واعود منك لدروبي غريب وحالتي حاله !!!
إذا منا تلاقينا وشفتك صاحبي تختال
اضيًع وافقد القدرة واشوف الموت وأهواله !!!
وانا ضايع قبل ماالقى عيونك واعشق الاهمال
ولامر الفرح قلبي ابد قبلك ولا جاله !!!
سنيني كانت الغربة ودمعات العيون أبطال
وكنت بلا أمل احيا واقول ان الزمن عاله !!!
وانا لي قلب به جرح من ايام الصبا مازال
سقاه الدمع حتى انه روى من فيض هماله !!!
همومه تحرق الدنيا وجرحه ينهي الآمال
وفوق الجرح وهمومه يدك الارض زلزاله !!!
ياليت الحب مايبقى حبيس بخافق الرجال
اذا ماصار له قدرة يبوح بماشغل باله !!!
ولا يبقى على ظهر البسيطه بالهوى عذال
ولا نسمع صدى صوت الوداع وحزن مواله !!!!
حبيبي فاتت الفرصة عليك ولا طلبت وصال
رغم هذا النعيم اللي تضمه عين قتاله !!!
لإني ماامتلك قلب الى هذا الهوى ميال
فلاتسألني لامني نسيت الحب بأشكاله !!!
وابد ماعادت ضلوعي بلادك ياخلي البال
وتركت الحب لأهل الحب وعدت لغربتي دااله !!!
رد مع اقتباس
