هذي اللة يسلمكم ويسلمني بعد قصة اربعة شيبان اتفقوا يكملون دراستهم الليلية وياخذون الدكتوراة .... مهوب عاقلين ذا النوبغ على غفلة ابوسعيد:راعي بقالة في شارع ضيق مايدخلها الا واحد وراء الثاني _اية كنهم يزرون واحد في العناية المركزة لا ومن زين ذا البقالة في بيت شعبي ومتهدد بعد تقول ضروس شايب تقول اكمل الفراغ بالكلمة الصحيحة ...........
ابوحمد:راعي محل سياكل وسياكلة كلها من دون مراتب ( فيها حكمة ياخوان ارجوا البحث عنها وموفاتنا بالنتيجة ) ابو عزيز : ياعيني علية ذا الشويب شريطي جراد ومذكورلة جرادة نظيفة في الثقبة بيروح يفحصها يقولون من زينها ماودك الا تطالعها ....
ابو عنقز : راعي تاكسي ولاحد يركب معة احد (اسمة موهقة كل ما نادة واحد من اخوياة في الموقف بسمة انحشوا الركاب ) يحسبون فية عنقز وهجوا منة لا يعديهم ....
تجمعوا في الفصل وهو عبارة عن غرفة فيها مساند ومراكي ذا الشيبان مايعرفون يجلسون على الكراسي والمصات ... متعودين على التسدح والتبطح ومد الكراعين .....بدا الدرس ؟؟؟؟؟؟ السلاموا عليكم .......... وعليكم السلام هذا مدرس الهجاء والقواعد مصري وكل يوم وهم مطاقين معة بسبت ريحتة من اكل الثوم والبصل ... وهو يقول دا ام العيال نبوية بتفهم احسن منكم في الطبيخ ... باول اية ياعواجيز نبدا الدرس الى حتغلبوني على ماتفهموة ..... ابوحمد :اقول ماودك اسحب الابرة من سرك ذا المنتفخ وينسم من وراء ذا البلوزة الى كلها مربعات .... ابو سعيد :الا ماودك نلعب عليها قطرة
ابو عنقز :يازين وجهة زيناة ذا المصري مافية مخوش وحبوب ونفوط اللة يخلف على ماغير وجهي محفر ونفوط ومخوش( تقول
ردمية مكتوب عليها تمهل والزم المسار الايسر ) ابو عزيز : اجل هاقي لو ان وجهك زين سان ابخليك سان ابساوم عليك مع ذا الجراد
(مهوب عاقل ذا الى يدور حرش على كبر موهوب سهل ) ابو سعيد :انا وجهي ماينفع ترا كل يوم وانا في البقالة اتميلح فية عند شغالة اندنوسية وماغير ماتاخذ مني الا اندومي بالزعتر وانا اعرقي يصبصب من شي فيها ...
ابو عنقز :اقول لايكثر يابو سعيد انت وجهك الى تقول طاسة كامري مقلوبة ......
ترن ترن ترن وشذا النغمة الزينة يابو عزيز ياغايب لية ماتسئل عني ... اية ذي ام العيال اللة لا يبارك فيها طلعت الجوال وناشبتني كل شوي وهي داقة جب خبز جب بيض وجب وجب ....تقول ماتعرف تحكي معي الا اذا طلعت من البيت .؟.... ابو حمد : الظاهر صوتك زين في الجوال يالشين واذا رديت ماغير تميلح (اية ياصوت نجوي عبدة ).............
المدرس : خلصتوا رغي ياعواجيز.... لا وعوزاين تتعلموا وتاخدوا الدوكتوراة وانتوا ماغير وش اخبارك وش لونك ما تبطلوا الحركات دي النص كوم المنيلة بستين نيلة وانتوا فالحين بحاجة ... انفعل ذا...... ابو نشقة وخروا عنة
....ابو حمد :لايكثر بس
ابوعنقز : مادريتاة ابو حمد بيعرس ... وش تقول لاتوهقني انا احب اعجيزي واموت فيها
المهم راح الدرس كلة سوالف وذا المصري ماغير اعيونة فيذا الشيبان من سالفة وراء سالفة وانتهي الدرس وهو يقول كيدة كيدة اهو الدرس راح ولا اولنا حاجة كويسة ...وراح الفصل الدراسي وهم حش في انفسهم وفي خلق اللة واستفادوا من الجمعة الزينة فيذا الفصل
واخر السنة سوا المدير لهم حفلة كبر راس ابو عزيز الى تقول اسطوانة غاز واعطى كل واحد فيهم زولية ودلة السيف وطقم فناجيل كرستال وقالهم هذا المستقبل السنع لكم الى تدورونة وخلوكم تجتمعون حدر جدار طين والدكتوراة خذوها في تزين القهوة والسوالف الا على طااااري السوالف وش اخبااار الدوري من الى خذ الكااااس ...
واسف على الاطالة وتقبلوا مني فائق التحية شرقاااااوي
رد مع اقتباس
