من جديد أخوكم الشاعر / السيل وآمل أن تنال إعجاب الجميع
[poem=font="Arabic Transparent,6,black,bold,normal" bkcolor="transparent" bkimage="" border="none,4,white" type=2 line=1 align=center use=ex num="0,black"]
يابنت خاف الله بقلبي ورديه = رديه لو هو مابقى له شرايد
مانتي مرجعته مثل يوم أخذتيه = لكن رحمته من حياة الزهايد
رديه أبضمه لصدره وأواسيه = وأكتب عذابه وأنشره في الجرايد
وأقول بأعلى صوتي انك جرحتيه = غير الجروح المرمسات الجدايد
وانك بنظرة من عيونك سحرتيه = وانه بعد نظرتك شاف النكايد
وانك على درب المهالك رميتيه = حتى بقى بعدك طريح الوسايد
وعن نسل أبونا آدم وحواء عزلتيه = وصد النظر عن زاهيات القلايد
لأنك بباه الحسن فعلا حكمتيه = تحكيم فكر محكمين القصايد
وأنا مالومه باهي الحسن مطغيه = حسن يفوق الوصف وبوصف كايد
يشل تفكيري إليا جبت طاريه = لأن الوصوف اللي حواها فرايد
عنق الغزيل عنقها يوم أحليه = إليا استذار وصار للصيد قايد
والعين عين اللي على كف راعيه = من نجد مرسول(ن) هديه لزايد
والخد براق عذى الأرض يسقيه = بعد السنين الممحلات الشدايد
ومجدل(ن) يضفي على الردف كاسيه = عن نابي الأرداف جاله زوايد
ومبيسم(ن) بإبهام كفك تغطيه = يشبه حمار اللي وريثه وقايد
أوصاف منه وباقي الوصف ماأحصيه = سيد الوصوف اللي على الوصف سايد
ليته يرجع قلبي اللي رثع فيه = من بعد هاك العيد يوم انتعايد
طال انتظاره والوصل منه يرجيه = على الرجا طالت عليه الوعايد
ولا مثل ماقلت يابنت هاتيه = قلب الغلا اللي من سبايبك بايد
ولا عليه أرخي جبينك وضميه = وحطي يدينك بالغلا له سنايد
وحني عليه وسط الأعيان حطيه = إن كان باقي للمغربل شرايد [/poem]
[/align]
رد مع اقتباس
المشاركة الأصلية كتبت بواسطة أمل عبدالعزيز
