[align=center]هذه القصيدة مهداة إلى سمو الأمير/ عبد العزيز بن سعود بن محمد آل سعود[/align]
[align=center] الســـــــــــامر [/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام يحمل وفاء وإخلاص غنيته=هديتا قلتها من قلب واحساسي
بالعود الأزرق ودهن العود غذيته=والمسك والورد فوقه تاج والباسي
أهدا ل عبد العزيز وفيه خصيته=راعي الكرم والشجاعة فايح الراسي
سلام يهدا لبو راشد وثنيته=الشاعر الفارس المتواضع الراسي
شيخ بدرب المراجل شايعا صيته=الظاهر أنه بجيله ماله اجناسي
يا من بدرب المسير فاتح بيته=ما حط له من وراء البيبان حراسي
كم واحد يشكي من الفقر واغنيته=من جاك يشكي ظروفه فارق الباسي
كملت بالطيب حسن الخلق واخذيته=تستاهل انك تفوز بكل نوماسي
أمير يبدي لك الترحيب لا جيته=لابه غرور ولا زوم وتغطراسي
لا شك لا طاب من مثلك تشاويته=الراس طيب وساسك ساس قرناسي
أبوك رجل الوفا والتطيب سميته=سعود ماله شبيه با كثر الناسي
أيضا وجدك محمد ما تناسيته=رجل المكارم لثوب الدين لباسي
وأبوه عبد العزيز وذكره احييته=اسمك على اسمه وطيبك فيه ينقاسي
من فعلكم لو يشيب القاف ما احصيته=قوم تدوس الخطر من قبل ينداسي
فعلك سواهم ما سووه سويته=يالشبل ولد الأسود مطوع القاسي
عمرت بيت المراجل واستحليته=قدرك على قد فعلك ماله قياسي
الطيب قمة جبل وانته تعليته=من لا يسوي سواتك كسبه إفلاسي
درب الرجوله بطيب النفس تميته=قدرك على روس شعبك صار متواسي
وانا إلى شفت زولك بس حييته=من دون خوة سموك مانقطع ياسي
يا امير أعزك وغيرك ما تمنيته=تسرني شوفتك وتفرج اعماسي
من غيركم يا أبو راشد ما تنصيته=يا أمير أبي خوتك وارفع بها راسي
الشاهد الله ما غيرك ترجيته=وان ما حصل لي جنابك وضعي انحاسي
طلبتك بجاه من تعبد وناجيته=مليك سابع سما والجن والناسي
طالبك كلمة عطيتك ما تحريته=مرافقة حضرتك تاج على راسي[/poem]
مع تحيات خادمكم ومحبكم / عبد الله بن بداح بن فويز المصارير
رد مع اقتباس
