بسم الله الرحمن الرحيم


السلام عليكم ورحمة الله وبركاته

كثرت السواليف عن مستشفى عرقه انه مهجور ومليان جن ومن الكلام هذا

على ما سمعنا انه كان يسكنه نازحين من الكويت ايام حرب الخليج وجلسو فتره يسمعون فيه اصوات وصار مهجور من وقتها

المهم جمعت لي ثلاثه من الشباب وقلنا نروح ندخله

رحنا وصلنا هناك على صلاة العصر طبعاً معلومه وقفنا السياره بعيد عن المستشفى عشان الحكايم لانه ممنوع الدخول

طبعاً دخلنا المسجد اللي جنب المستشفى في اثنين شباب اشكالهم ورب البيت تخرش اوم الواحد دخلنا المسجد سلمنا وقلنا في صلاه

ماردو علينا وضلو واقفين ولا واحد منهم تحرك لا يمين ولا يسار وصلينا وخلصنا وهم على نفس الوضعيه

بعد الصلاه قلنا ندخل المستشفى طبعاً في واحد مننا خر ولا رضى يدخل دخلنا ومننا ثلاثه

اول المدخل طبعا ظلام شغلنا فلاش الجوال وبدينا نمشي طبعا ارضية المستشفى كلها تراب وزجاج يعني اذا طلع لك جني وجريت بسرعه بتطيح على وجهك ويروح وجهك من القزاز وتتمخش

معلومه : المستشفى جميع الاجهزه اللي فيه لا زالت موجوده ومكيفات وكلش ولا تقول مستشفى الشميسي

وصرنا نمشي في الدور الاول واحد من العيال طلع جواله على انه بيصور صور الشاشه سوداء ما يشوف شي فيه نقطه بيضاء في النص قلنا يمكن عكس الزجاج حركنا الجوال يمين شوي ندقق في الصور والله يا اخوان شفنا صورة المبنى

يعني نخلي الجوال على وضعيته العاديه الشاشه سوداء نقلبه يمين شوي نشوف صورة مبنى المستشفى

على طول من نص المبنى سبيد قلبت مثل فلم كرتون بيب بيب بيب بيب وطلعنا والله والصدق وحنا خايفين

المهم الان الصوره لحد الان ما فهمناها اول ما طلعنا ما عاد شفنا شي قلنا يمكن مع الخرشه

ولا زلنا محنا مقتنعين ان المستشفى فيه اصوات ولا اوادم برجل وحده ومن الكلام هذا


اللي زار المستشفى او احد اخوايه زاره ياليت يسرد لنا وش صار معه


اعوذ بالله من الشيطان الرجيم)




منـــــــــــــــــــــــ ـــــقوووووول