[align=center]صراحه هـ الشعراء دبلوا كبودنا؟!
كلهم يتغزلون في (النحيفات) وعلى قولتهم غصن البان وغصن (علك)
ويتغزلون بالشعور الناعمه؟!! طيب واللي شعرها (اعكش) وكشتها الله لا يوريكم؟وش تسوي لازم تحرق شعرها بـ (السشوار) عشان ترضون؟!!
المهم ابشركم الغيمه بدت (تنقشع) يابنات. والتف لكم احد الشعراء بقصيده مرررررررررره روووووعه.
يعني اذا وحده فيكن لها نية تسوي (رجيم) ياليت تبطله؟
لأن تعرفون كل شي ولله موضه. ومدام هـ الشاعر كتب قصيده اكيد كثير من الشعراء بيلحقونه. ترانا مثل (الأندوسيين) يعني انوووووووووواع التقليد؟! وعسى ماواحد يقول شي زين الا عشرين واحد صفطوا وراه. بتركم مع قصيده الشاعر الرائع حمد السعيد:
[poem=font="Simplified Arabic,4,black,normal,normal" bkcolor="transparent" bkimage="" border="solid,1,gray" type=2 line=0 align=center use=ex num="0,black"]
للزين قالـوا مـن قديـمٍ علامـات =عينٍ و مبسـم والجسـم والرشاقـه
لكن كسر هـالقاعـده هـالمتينـات =مـن واقـعٍ ماهـو كـلام وبلاغـه
اللي محلهيـن ولـو هـن ثقيـلات =دايم خفـاف الـدم.. وفيهـن لباقـه
الله يـاهـن ياجمـاعـه لطيـفـات =وعلى الكلام الحلـو فيهـن طلاقـه
ماهو ضروري بالرشاقـه رشيقـات =وزود الوزن ماهوب يعنـي اعاقـه!
صحيح بعض اللبس يعني اهانـات؟! =الـوزن بالضيّـق ..عديـم العلاقـه
بس مو ضروي يلبسن (استرتشات) =يازينهـم واللبـس واسـع نطـاقـه
لا بارك الله فيـك يالضيـق بالـذات =ترى السعه مـرات تعطـي اناقـه
قالوا الرجيـم اليـوم هـم البنيـات =قلت الرجيم ادري.. يبي له فراغـه
وقالوا الرياضه! قلت ماهن مريضات =للسكـري لا مامعـاهـن بطـاقـه
قابلهن الله بـلا رجيـم و رياضـات =بهدي لهن منـي مـن الـورد باقـه
هن دفء هذا المجتمع.. هن رقيقات =هن ملح..هـن سكـر لذيـذٍ مذاقـه
هن لا سألتوني عن الحـب بسكـات =بقول هن فيهن عـن الحـب طاقـه
ماهو كلام اللي كتبتـه واشاعـات!! =انـا اربطتنـي مـع متينـه علاقـه
[/poem][/align]
رد مع اقتباس
هههههههههههههه ياسر انت سعودي ولا هندي؟:بفكر:ههههههههههههههه ههههههه علشان نعرف نتفاهم معك هههههههههههههه:play_ball
[/align]
المشاركة الأصلية كتبت بواسطة بنت الريف
