[ALIGN=CENTER]
يسعدلي يومكم بالف خير يارب :D
موضوعي اليوم عبارة عن التدخين وحبيت اني اتطرق لهذا الموضوع لاني بصراحة اعجبني من حيث انه صار لي موقف وحبيت اني اعرضه عليكم ونشوف رايكم جميعا وراح الفت انتباه الجميع اني مش اتكلم فقط عن تدخين الشباب لا حتى البنات
السالفه انه في يوم كان عندنا في البحرين معرض يسمى معرض الخريف وكنت انا وصاحبتي رايحن نشوف الاشياء الموجوده وخصوصا انه من المعارض اللي يبيع كل شي ملابس وثياب اكسسوارات وادوية وطعام وكل شي المهم قلت انا باروح في وحدة من صحباتي قالت لي يبعيون في محل كريمات عن الشمس وايد زينه لانها مجربتهم عاد رحت مع صاحبتي للمحل وكان فيه دكتوره الظاهر انها خبريه يعني تعرف بالادوية وهذي الاشياء وجلست انا وصاحبتي نقرا الكريمات ونشوفها واحنا واقفين دخل اثنين من الشباب وسال واحد منهم الدكتوره عن دواء يخفف التدخين يقول انه واحد من الشباب اللي يعرفهم قاله انهم يبعونه هنا
اتصور شو كان ردت فعل الدكتوره قالت له ليه تبغي تبطل التدخين ده التدخين متعه خاصه احنا هنا واقفنا كذا بستغراب حتى الولد استغرب من كلام الدكتوره وقال لها اصلا انا ابغي اوقف من التدخين وقالها انه ناوي انه يتزوج ويبغي يتخلص من التدخين عشان يكون قدوة لابنائه وعشان مايضرهمخ بهذي العادة السيئة
حبيت اعرف شو مضر التدخين وهل التدخين على العلم انه له مضار كبيره ليه الشباب في زياده للتدخين بدل ماينقصون؟
كيف نقدر انا نحمي ابنائنا الشباب الصغار من هذي الافة الكبيره؟
وهل التدخين يدمر ويسىء في الشباب ؟
ابغي اعرف لو كنت مدخن وش المتعة من التدخين اذا كان لها اصلا متعة ؟
وهذا هو مووضوعي ان شاء الله الجميع يستفيد وعذرا للاطالة
راعية الشوق[/ALIGN]