مساء الخير

مثل العام حطيت قرقيعان بنتي هل سنه بحطه وبوريكم شغلي

طبعا الشغل كل من aتو z شغل ايدي وكله سويته بروحي وهم من افكاري كله وابي رايكم فيه

وهذا قرقيعان نور بنتي الثاني
وان شاء الله كل سنه بسويلها احلي واحلي ماعندي اغلى منها نور عيني


بخصوص الاسعار بحطهم لكم بشكل تقريبي لاني موذاكره بالضبط
بس صج كلفني واااااااااايد

نبلش

فكرة اليهال كانت
علب شفافه صغار
اخذتهم من رامز الحبه 150
وغسلناهم نضيف وعبيتهم حلاو جيلي كل غرشه نوع وشي ام اند امز
وحطيت حبة مارشملو اعبي الغرشه شوي




وهني عبيتهم وصفيتهم علي الطاوله









وهذي المجموعه كامله وكان حول ال70 حبه

والحين دور الكبار والامهات
وكان علبه قش اخذتها من بياع الورد تقريبا 900فلس
وحطيت داخلها (رهش وحلوى ودرابيل )

اخذت من حلويات الوطن الميني رهش وميني حلوه ودرابيل مغلفه
وتقريبا طلعو علي 90 دينار

وفوق العلبه مرايه اتينن تقريبا اخذت الحبه دينار





هذي العلب اول ماعبيتهم









وهذي نظره عامه لهم كلهم
علي طاولة الاكل

والحين نفنوف نور عيني نور

كان من تصميمي وطلع باللحظه الاخيره خلص بيوم القرقيعان
عباره عن اللون الاخظر والريش الفوشي
وباند الورده



وهذا قرقيعانها 2011

وبنات ادعولي الله يحفظ لي بنتي لانها نور عيني

واكيد ابي رايكم