بسم الله الرحمن الرحيم

يا إخوان

انا لاحظت شيء على التوصيات :

يقول لك .. أنا أوصي على السهم الفلاني بشرط المؤشر يرتفع ويساعد .

والثاني يقول .. إذا نزل السهم الفلاني عند النقطة كذا .. أوصيكم عليه .


طيب اوكي .. ما قلنا شيء .

لكن بصراحة لما يرتفع السوق يكون قدامي فوق 90 شركة مرتفعة , وكلها كويسة .. يعني بالعربي وش فايدة التوصية اللي مع الخيل يا شقرا دام السوق كله فوق !!!

ولما ينزل السوق وينهار فوق 100 نقطة .. تنزل كل التوصيات والشركات .. ويجي المحلل يقول ... والله المؤشر ما ساعدنا ههههههههههه طيب وش فايدة التوصية !!!!!!


أنا باضرب مثال حي مع حبي الشديد للكل :

الأخ أبو فهد .. الموجود بتويتر وهومشرف هنا أيضاً .. وصى الأربعاء على دار الأركان .. واليوم السوق كله نازل ودار الأركان طااااالع فوق .. هذي اللي ينقال عنها توصية .


لكن لما يجيك غيره (بدون ذكر أسماء لأنها حصلت كثير) يوصي على سهم أو اثنين أو أكثر .. ويقول .. والله السوق ما ساعد .. صدقوني هذي ما أعتبرها توصية .


في الأخير أقول :

اللهم وفق كل محلل يسعى لصلاح إخوانه المساهمين هنا سواء محمد بن فهد أو بندر99 أو خالد للعقارات أو سهمنا القادم أو غيرهم . وهم كثير ماشاء الله , وحنا والله شايفين تعبكم وجمايلكم لكنها همسة من أخ لإخوانه .