[align=center]مساكم الله بالخير
تقبلوا مني هذي البويتات
عساها تنول شياء من استحسانكم[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جمعت لي خمسة ملايين رجال= اضعفهم اللي يمسك الجمر بيديه
وشريت لي مليون صاروخ فعال=مداها ياصل للقمر كان نرميه
أما القنابل عندنا كنها رمال= فتيلها ما نقدر نعد نحصيه
الواحده منها تفجر لها جبال=يمسي الجبل متساوي(ن) ويا واديه
سرينا واجتمعنا في وادي(ن)خال=مافيه لا انس(ن) ولا جن تحيه
ثم ابتدينا بالمناور على الحال= ندرس نخطط ناخذ الراي نعطيه
في حالنا هذا سنه واربع اليال= نرمي الهدف نصيب ماعاد نخطيه
ماعندنا لعبة حكم لعبة اللال=الموت منا اصبح يخاف نطريه
اليا مشينا كن فالارض زلزال=واليا جلسنا كننا من رواسيه
قمنا وسرينا كننا سباع تختال=نهدف نرد القدس نحمي مبانيه
بدينا نرمي بالقذايف على اسرال= واصبح يبادل كل صاروخ مثليه
مره نكر ومره نفر في قتال=اما النصر يرفع لنا شعار عاليه
والا الشهاده بعز من دون اذلال=شهيدنا بجنات والحور تسقيه
ضربنا في ثقه محطات الارسال=وقطعنا عنهم الكهرب بشامل معانيه
حتى المياه اللي كما ورد شلال=عنهم قطعنا وردها ما نخليه
من بعدها جاهم سحابه وهمال=وابل رصاص وثم صواريخ تقفيه
البعض منهم صار في قيد الاغلال=والبعض منهم مات من خوف ياتيه
والبعض منهم فالبحر بحر الاهوال= يلقي بنفسه ينتحر كان يمديه
اعلن مذيع القدس عن فوز الابطال=واصبح لنا استقلال عن كل واطيه
ومسكت شارون النذل سيد الانذال=وطيت انا شارون مابين عينيه
شقيت بطنه لين دم الكبد سال= من بعد ما قطعت خشمه واذانيه
في وقت موته صاح صوت(ن) كما بلال=اذان عالي بين داني وقاصيه
فزيت واثري نايم(ن) عند الاطفال= واذان وقت الفجر يصدح مناديه
يمكن لنا فاحلامنا هم ينزال=يمكن نعبر عن هجوس(ن) نداريه
يالله ياقادرعلى كل الافعال=حقق لقلبيَ المحتار ما كان يمنيه
واقشع ظلام(ن) طال ثم طال ثم طال= وحرر لنا قدس(ن) تطاول معاديه[/poem]
رد مع اقتباس
