هلالنا يا ناس عشق الملايين ** محـد(ن) يـرده لا بغـى لـه بطولـه
ما يختلف في فنه الصعب اثنيـن ** يبـدع ويمتـع والجماهيـر حولـه
جن الملاعب لاالعبوا ردوا الدين ** صالوا وجالوا بين صولـه وجولـه
همّ الخصم لاقابله صار همين ** والمستطيل يثـور عرضـه وطولـه
مسكين ياخصم الهلاليّ مسكين ** كَثْـرت معاناتـك وضاعـت حلولـه
( إن كان ودك ترحمه اذبحه زيـن ) ** حكمـة هلاليـة وكلـن يقولـه
بعض الفرق صاحت ترانا مدينين ** ما عندنا أبطال , ولا اهنا سيولـه
لكن هلال المجد يا ناس ما بين ** ما بيـن فرحـات وبطـولات دولـة
الفرق واضح يالربع بين شيئين ** خطوة جريئة والا خطـوة خجولـة !
الفن ( سامي ) والسمو للسلاطين ** وما كل من يبحث عن الشي ينولـه
يا عشقنا الأزرق ، وسيد الميادين ** أبهرتنا بالفـن ، عـزم ورجولـة
الله رزقنا نعمة العقل والدين ** والله عطانـا اهـلال يهـوى البطولـة
تلومني لو قلت ( عشق الملايين ) ؟ ** تلومني لو قلت ( محدن يطوله ) ؟
-new.gif)
رد مع اقتباس
