والمعذره في التأخير وعدم التواجد نظراً لظروفي الخاصه
وأن كنت غائباً قالباً فأننى موجودٍ قلباً مع اخوانى اعضاء هذا الصرح الشامخ ومتابعيه
واليكم هذه المشاركه المتواضعه وارجو قبولها
[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
الا ياليل اخذت النور كله من عيوني ليه ؟ = تحت جنح الظلام اللى على اسدل بجنحانه
اخذته من عيونى من يديني ليه ماتعطيه = وتعيده للعيون اللى بعد فرقاه سهرانه
تناظر للمكان اللى جلسنا واجتمعنا فيه = على وضح النقا واوفا به المديون ديانه
مكانٍ ما عسا وبل السحاب اليا هما يسقيه = ابي قاعه يصافح عقب سيله رش ودانه
وابى غر المزون الممطره عقب العطش تسقيه= تعله ثم تعله لجل خلٍ شمت من شانه
عن اجمل بنت واروع بنت واعذب بنت لجل ارضيه = لأنى ما اتحمل نار تعذيبه وهجرانه
ملكنى ملك مدرى كيف اخذنى لعبتٍ بيديـه = ألين اصبحت مهما قلت ابنسا صعب نسيانه
وانا لو قلت ابنسا كيف ابنسا عشرته واصخيه؟= وأله عدة سنينٍ فوق عرش القلب مسكانه
يفز أله الخفوق اليا سمعت اسمه وجا طاريه = خياله مايفارقنى وروحى فيه ولهانه
تعالت قدرة اللى بالجمال اليوسفي موفيه= عطاه وكمله وأوفاه حتى النطق بلسانه
احس ان المشاعر كل وصفٍ فيه تستهويه = كلامه نظرته حمرة خدوده رسم حجانه
اله وصفٍ جميل وقدٍ اجمل والشعر كاسيه = مثل لون الذهب ماتفرقه من لون شرطانه
واليا منه تبسم والتفتلى قلت يالبيه = ياحلوه نعنبوه ونعنبو لوله ومرجانه
لكن اقفا عليه الوقت منى ليه؟مدرى ليه؟ = تحت جنح الظلام اللى على اسدل بجنحانه[/poem]