,
,
,
كيبوردية من أعماق القلب
فليعتبرها القوم هنا
آهات أو هي كذلك....
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="groove,4,gray" type=2 line=0 align=center use=ex num="0,black"]
الشعور اللي رماني وانفرد بي وسط بير =ما أحدٍ مثلي شعر به يوم أحس ويوم أعاني
بين عقل الأتقياء وبين شطحات الصغير =درب ما يمشيه شخصٍ صار معدوم الأماني
والضمير اللي ينادي يا عرب وين الضمير=ماتت أحلام النزاهة والمدان ( ألفين جاني )
منهم اللي يحسب إنه لا مدحني افرح واطير=مادرى بأن الرضا من ربي الخالق كفاني
ما يجيد إلا التصنع والتبجح والهدير =يجهل أدق المشاعر و ( أبجديات المعاني )
عاجزٍ عن كل معنى ما يشوف الخير خير=ويحسب أن الشعر الأجود بس في عزف الأغاني
لو قراني صح يمكن يدري أني بنت غير =عن بنات الساحة اللي ماتت بشعر الغواني
ما يهم اللي يصير وما كتب ربي يصير =إن عطيت الشعر كلي ,, بقبله لو ما عطاني
وإن نساني الشعر كله بحضنه مثل الحرير =واكتبه لآخر حياتي لو يقول أنه نساني
وكان عاتبني ( الفرزدق ) أو زعل حضرة ( جرير) =وعذرهم هذا المكان اليوم ما يشبه مكاني
قلت يا الخنساء تعالي ما سمعتي بالغدير =ذاك شعري يشربونه عذب ويبل المحاني
والزمان اللي أعيشه لو يجي وضعه خطير=كل من يقرا قصيدي قال لي هذا زماني
بلمس حدود الثريا واترك اللي في الحصير =وأسبق أيامي وأسابق كل دقات الثواني
وادمح أخطاء الصغار اليوم والخافق كبير=واقبل النقد الحقيقي دام ما يجرح كياني
ومن نبح ينبح مكانه ,, قافلة شعري تسير =لو تقوم الناس ضدي قلت وقفتهم عشاني
*
*
*
أمل بنت عبدالعزيز....[/poem]
رد مع اقتباس
المشاركة الأصلية كتبت بواسطة أمل عبدالعزيز
