[align=center]مساكم الله بالخير
بتطفل المحب
أود ان أصافحكم بهذه القصيدة
وهي المشاركة الأولى لي في هذا المنتدى
أتمنى ان تعجبكم والمعذره عن الخطأ أو التقصير
إليكم
.....
.....
.... قليلة أدب....
..[/align]
[poem=font="Simplified Arabic,5,red,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
قولوا للأشواق يوم إنه (قليلة أدب)=
وأنا بوسط الرجال تجيبها يمي
وإن كان ماتدري الأشواق حنا عرب=
وأنا (بدوي) بالهوى وآغير من دمي
وشلون تظهر بطيفه تستجر الهدب=
وهذاك (خالي) وأشوف مقابله (عمي)
لا والمصيبه طواريها تجيب الطرب=
وأنا معي (دلتي) وأخاف من ذمي
ياويل الأشواق لاجاني ملام وعتب=
من شايبٍ مايسامح لانقص جمي
أخاف أبهر دلالي له وأجيب الرطب=
وأمد فنجالي وأقول لطيفها (سمي)
وش يرضي (العود) لاطير عيونه غصب=
وهو شايبٍ كايدٍ بالسلم ومطمي
ومن حاسب الشوق يوم انه بقدري لعب=
ومن صار طيفه شقاي وكيفي وهمي
أشوفها الهيل قبل يجيه صالي لهب=
وأشوفها تسترق ذوقي على شمي
وأشوفها النار لا ثارت بذاك الحطب=
وأذوقها بشفت الفنجال في فمي
قولو للأشواق لو فيها بقايا أدب=
لاصرت (وحدي) تجيب (الغاليه) يمي[/poem]
[align=center]وسلامتكم [/align]
رد مع اقتباس
