[poem=font="Simplified Arabic,6,white,bold,normal" bkcolor="skyblue" bkimage="backgrounds/26.gif" border="double,4,gray" type=2 line=1 align=center use=ex num="0,black"]
الشال الابيض والمساء والمقادير =والليـله اللي مـات من هو نساها
البنت هذي غير نعنـــــاعها غير =عشقتها عشــق الـــنجوم لسـماها
يالعنبوها جت تسوق التبـــــاشير =جتني وانا اللي ميتٍ من ظمـــاها
خيال ماادري حلم ماادري تفاكير =بس الوكاد اني سبحـــت بفضاها
تشيلني وارقى على الغيم واطير =لا الارض تقضبني ولا اصل مداها
رسمتـــها في غيمتين ونواوير =وهي ارسمتني ضــحكتين بسـناها
حاولت ادور للسعاده تفـاسير =لقيـــــت حتى الـــــــورد ينبت وراهـا
يسعد صباحك يا صباح العصــافير =لا غردت والكون يضحك معـــاها
يا كيفها كيف الدلال المبــــــــاهير =بيدين من هـــم هايمين بغــلاها
لحظة وداع وقال تصبح على خير=ولولا الحياء رجلي تسابق اخطاها
جف الكـلام وضاع صدق التعابير = كله من النعناع ذاب وخـــــذاها[/poem]
رد مع اقتباس
المشاركة الأصلية كتبت بواسطة سعد المطلق
