السلام عليكم

رديت لكم بطبخة يديدة ان شاء الله تعجبكم
بتقولون هذي شفيها عالعيش المصري هههههه
احب العيش المصري اكثر من العادي

نبدي بالمقادير

لحم
2 م ش بهارات اللحم - م ش هيل - م ش دارسين - م ش كمون - م ش زنجبيل -
م ش كركم - م طعام ملح - م ش فلفل اسود
مكعب ماجي
بصلتين مقطعين 4 حبات
قفشتين سمنه
عيش مصري مغسول و منقوع نص ساعه
باذنجان مقلي







الطريقة :

نطبخ اللحم بالطريقة المعتادة اللي تحبونها
او بالطريقة هذي ... وانا افضلها عشان يضبط معاكم الطعم

نغلي اللحم لمدة ربع ساعه ونقط الماي بس عشان نشيل منه الزفرة

نذوب السمنة و نحمس بصل ليما يذبل نقط عليه اللحم نقلبه
نقط عليه البهارات و الماجي و نحمسه ليما تطلع ريحته
نصب عليه الماي المغلي فوق اللحم بشوي و نخلي النار هاديه
تنطبخ لي ساعه و بعدها نحط الملح و نخليها بعد نص ساعه و نسكر الجوله













نقلي الباذنجان








ناخذ جدر يكون عميق و بنفس الوقت يكفي كمية العيش اللي نبيها
نصب فيه شوية من الدهن اللي قلينا فيه الباذنجان و نرش عليه رشة عيش مصري



نحط اللحم بعدين الباذنجان بعدين العيش المصري








نشخل ماي اللحم و نصبه عليهم



نخليه عالجولة نار هادية و نحط حديدة تقريبا يحتاج من نص ساعه إلى 40 دقيقه على حسب
من جدر لي جدر ليما ينشف العيش



نييب غنجه دائرية اكبر من الجدر و نقلب عليها الجدر





و هذي راح تكون النتيجة










نسوي سلطة الملفوف بالروب

نحتاج ملفوف مقطع
خيار مقطع
طماط مقطع
ثوم مبشور
قوطيين روب نضيف عليهم شويه ماي
ملح وشوية زيت زيتون

و نخلطهم








و بالعافيه عليكم