كل إنسان منا له هفوات وزلات وخير الخطائين التوابون !!!!
نظمت هذه الأبيات التي تتكلم عن عظمة الرحمن وطلب منه الصفح والغفران ..
" غفرانك "
[poem=font="Simplified Arabic,6,skyblue,bold,normal" bkcolor="transparent" bkimage="backgrounds/26.gif" border="groove,4,gray" type=2 line=0 align=center use=ex num="0,black"]
أبدأ بذكر الله فـي كـل الأحـوال=عالم خفايا مـا تكـنّ السريـره
واسع بكرسيّه على العرش متعال=سبحانـه المعبـود لارب غيـره
خلق جميع الكون في ستة اليـال=والشمس كورها غدت مستديـره
وبحكمته صار القمر بدر وهـلال=بين الكواكـب والنجـوم المنيـره
أوجد بني آدم بتربـه وصلصـال=والجان من مارج ونـارٍ سعيـره
والأرض سخرها بوديان وجبـال=تلاطمت فيهـا البحـور الغزيـره
يارب عبدك ما قد ارتاح لـه بـال=يحمل على متنـه ذنـوبٍ كثيـره
عينه تهل وتذرف الدمـع همـال=والحزن ملبد في حنايـا ضميـره
له وقت يشكي من همومه ولا زال=عايش حياته في متاهـه وحيـره
يطلب رضاك وجنتك خير ما سـال=متأمـل بعفـوك ويالله تجـيـره
وتغفر ذنوب امه وعمه والاخـوال=وابوه واخوانه وكل العشيـره (1)
أنا اشهد إن العمر طرقي ورحـال=والوقت يطوينـا بشـره وخيـره
والآدمي مابيـن طلعـه ومنـزال=ونهايته في قبر يُجهـل مصيـره
تمت وصلى الله على خير مرسال=عدّ الخيول المسرجـات المغيـره [/poem]
.................................................. ............................
(1) العشيره.....جميع المسلمين.
أرجو المعذرة على التنسيق فرغم كل المحاولات مني ومن أخي أبو عبدالرحمن
إلا أن برنامج تنسيق الشعر لم يظهر لدي....
إحترامي للجميع
أسير البين