[align=center]السلام عليكم
بعد طول غياب وإنقطاع أعود بهذه المتواضعه
عسى أن تنال إعجابكم
..[/align]
[align=center]الـ غ ـيــــــاب
شي ٍ أقسى من العذاب
أغتراب وأغتراب
وأغتـــــــراب
..
فيه ضيعات الأمل
منه مدامعــك تهمل
والهم من همّك يمل
آه ياجـــــــور
الـ غ ــــياب[/align]
[poem=font="Simplified Arabic,5,darkred,normal,normal" bkcolor="white" bkimage="" border="double,4,firebrick" type=2 line=1 align=center use=ex num="0,black"]
- (( الأقنـــــ ع ــــــه )) -
يعلم الله في غيـابك استوت عندي الوجوه=صارت وجيه الأوادم كل ابوها اقنعه
كني طفل بدون يدري ضاعت امه ثم ابوه=فزحمة البيت الحرام وكل حي ٍ يتبعه
حارت دموعه بعينه والاوادم حيروه=نوب مقبل / نوب مقفي / زود جهله ضيعه
او مثل ذاك الفقير اللي قريبينه جفوه=ساعة ٍ واصبح مُدان وراس مال ومطعمه
يدعي ربه لايجونه والوكاد انهم نصوه=ناس ماهم ظالمينه واحصدوا مايجمعه
او سمعتي بشخص غافل !! عن بلاده غربوه !=اجرموه بذنب غيره واعزلوه فمقطعه
مادرى وشهو عشانه وليه يوم انهم نفوه=لا سأل محد ٍ مجيب ولا حصل من يسمعه
كلْ مافـ الأمر مجرم والحكي ذا وكدوه=لا بغوا غيره كلااام ولا بغوا به جعجعه
او مثل ذل العزيز اللي رعاياه اخذلوه=شاف ملكه قدم ْ عينه طاح وعاجز يرفعه
والسبب زمره دنيئه للمعادين ارخصوه=اعبثوا في حر ماله .. وأخلفوا به زعزعه
او مثل دمعات منهو تالي سنينه نسوه = من ذخرهم في حياته ماوراهم منفعه
شايب ٍ ضاقت عليه .. وأعتزاهم وأجحدوه = ثم قفى بثقل همْ وغير ربه مامعه
هذي بس نبذه بسيطه والغبن لافض فوه = دايم ٍ يكتب ويقراء وفي حياتي مرجعه
شفتي وشلون بغيابك أستوت عندي الوجوه = يالله أنك لا تعيده ويالله أنك تقطعه[/poem]