<div><div align="center">بسم الله الرحمن الرحيم

سويت هذا الموضوع لرؤيتي لكثير من البنات الغارقات بهوس الرشاقة سواءً بالسعوديه من رفيجاتي وبنات خالتي وربعهم ولا لما اروح الكويت عند بنات عماتي ورفيجاتي الي بالكويت و ربعي هناك يعني وصلوا لدرجه لو تعطينهم زهيوي تقولين هذا زهيوي ياباني وينحف 25 كيلو باليوم جان كلوه وانتو بكرامه حبيباتي ......ونروح لهالمطاعم وناكل وناكل ضعف الوجبه الي المفروض ناكلها طيب وش سبب هالفجاعه بالاكل والهمج بالاكل !!:eh_s(1):. . . . . . تيي تقولج لاني بسوي بكره دايت طيب و طلعت من المطعم جان تمر هي ويا رفيجاتها على كوفي شوب وتشرب كفي ببكتين سكر وتشيز كيك وكب كيك ومادري شنو بعدها تأخذ لها فرة بالمجمع وتيي عند باسكن روبنز ولا مادري شنوي وتطلب لها ميلك شيك ولا دبل أيس كريم ولا بودينق شوكلاته :botetoo:ومن هالاشياء الي تكون لوحدها وجبه كامله مو مجموعه ماعلينا من هالكلام جان تخلص الطلعه تروح بيتهم تنام من بكره تقوم الساعهه 8 وهي حدها يوعااااانه تقول لا اليوم سماح بكره راح اسوي وتسوي نفس امسس وكل يوم هالحركهه ليييين تمسسك نفسها يوم وتسوي دايت تتم علي اسبوع ولا تنححف وبعدها تررررررررد بأقوى من قبل وتبدأ تدخل لعالم 100 ويبدا وزنها بزياده وتصير كثير حسسساسه :eh_s(2): طبعا هاذي الصفه يعني شفت كم نموذج من بنات متينات وكثير حساسات حتى لو وحده تمدحها وتقول والله انتي قمر بس لو تنحفين بتغطين على كل البنات تقعد تبجي هاذي تزتهزئ فيني وتقولي دوبا ططططططيب :rgewrg: هذا واقعك الي ماجاء من فراغ انتي حتمتي على نفسج يصير لج كذا كان اختيارج لدررررررجه صرنا نصرف الآلآف الريالات او دينارات عشان نعيش الرشاقه طيب تدرون وين العيب العيب ان احنا نبغى نسوي شيء وبسرعه ننحف وتظهر النتايج والعيب الثاني نصدق اي كلمه احد يقولها يعني لو تقول كلي حبوب مادري شنو وتنحفين 10 كيلو بالاسبوع شدعوه ؟ صدقيني حتى لو نحفتي بالاسبوع وبالشكل الي قالته فرااااح تجييك مضاعفات لا يعلم بها الا الله ... من ضمنها تكونين معرضه لسرطان والعياذ بالله وتصلب الشرايين والي ذكرته كثير منتشر ولا امراض تؤدي للوفاة طبعا مره سمعت لاخصائية تغذية وتتكلم عن فئة البنات الي يبون ينحفون بسرعه وان من بينهم من توفى والسبب راحت طبقة الشحم الخفيفه الي أوجدها الله لاسباب للقلب وهذاااااااااااااااااااااا اا دايركت يؤدي للوفاة :krkrkr: وطبعا غير انج لو سويتي دايت وفكيتيه دايت وفكيتيه يتساقط الشعر ويصير عندج تكسر للاضافر واثار جانبية على العضام الي ماراح تبين الا لما تكبرون وتدشون ال 40 واشياء تسبب لنا تلف بالخلايا يعني احسس الكثير مستهين بهالشيء المفروض نفكر بعقلانيه سوري على هالكلمه لازم تحطين قاعده ببالج ان الجسم مو ألة حتى الآلة لو تطفين فيها وتشغلين اكثر من مره تخرب فما بالج بجسم كل ما في هالجسم يحتاج غذاء ليقوم بوظائفه على اكمل وجه ,
أذكر لكم قصه
بالشتاء الي راح كنا طالعين فله 4 عوائل للبر عاد تعرفون البنات انواع الجيبس والحلويات و الشوكولاته لدرجه كنا جايبين ويانا البراد الصغير وحاطين تشيز كيك يعني قلنا نبي نفلها فله وكان نظامنا كالآتي ننام الظهر ويا المغرب بعدها نقوم نجلس وا الحريم نتقهوى وكل وحده ويا البي بي الي ياله ياله يشبك ولا الآآب والكونكت وكذا الساعه 11 الكل نايم نقوم وجد جد نفلها بهالوق ناكل شيبسات ونسولف ونقول قصص مرعبه ومن هالسوالف الي الساعه 7 الصباح بعدها نفلها بالدبابات ساعه كذا ونروح ننام وكانت ويانا وحده من بنات خالتي سمينه ومسويه دايت واهي بأعمارنا تسهر معانا واحنا ماسكين البايسون والبيرة واهي مويه ناكل اهي ما تاكل نقولها بس هالمره واذا رجعتي البيت سويه تقول لا والله انا هالمره جد وما ابغى اخربه لدرجه تجلس ساعه ساعتين وما تسهر تروح تنام وتقوماهي الظهر طبعا الحريم والرجال يتغدون رز ولحم واهي تقول لا لا ما ابي اكلت ويا البنات وهي تجذب ما كلت بس ما تبي حد يخرب عليها هي من حقها بس حرام توها صغيره عشان تحرم نفسها من الاكل وحتى يعني لما نقوم من النوم نقعد نسولف ونحاول نستغل هالايام لانه بنرجع وكل واحد ببيته وهي جالسه بس تسمع وعيونها حيل ذبلانه يعني تخيلوا بجد والله اهي مره لا عبه على نفسها....
<font face="Comic Sans MS"><font size="5"><font color="blue"> عاد لما نجتمع ونتذكر سالفتها تقول والله حدي متندمه وحارمه نفسي من الوناسه ذاك اليوم لانها بعد هالطلعه باسبوع فكته لانه تجيها دوخات ولا نحفت منه ولا نص كيلو على انه اسبوعين