[align=center]بعد الإنقطاع عسى أن تشفعلي هذه المتواضعه ...
واتمنى من العلي القدير ان تحوز على بعضاًَ من اعجابكم .
لا اريد ان اطيل المقدمه فإليكم ما اردت ان اقدمه .[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لو يعرفن الليالي مشاريه الرجال = ماتعمدن الخطايا ولا درب الزلل
ولو يهابن المقادير تكرار الجدال = ماتبلنّ المخاليق ..خوف من الجدل
ولو أمن وقت التلاقي عذاب الإرتحال = ما انثنى غصن المحبه نياح ولاذبل
ولو يرد الدمع ماتاخذه سود الليال = مانحس بلوعة فراق محبوبٍ رحل
ليت من قفّى يلبي طلب كلمة تعال = وليت من قرر رحيله عن البعد يعدل
لي ثلاث ايام حالي من التوديع حال = ماروى الصبر المحاني ولا ارويت الملل
ادري انه مايشيل الحمول الا الجمال = وادري ان ماتحمل النفس مالا تحتمل
صرت كلي من بعد روحته مضرب مثال = واشهد ان مصاب قلبي من فراقه جلل
زال عن عيني وقدره بقلبي لايزال = وكان مازاد الغلا في غيابه ..مايقل
لو لغير بيوت ربي يشدنّ الرحال = مافقد شوفي حضوره ولا قل الوصل
والله انه لو شكى الجوف همه للجبال = مابقى من هول همه على الدنيا جبل
ولو تشكى للعرب قيل من نسج الخيال = مادروا عن حالي انه طلع مضرب مثل
لو يرده مدمعي كل محجر عين سال = ولو يرده ماتمنى ولو صعب ..يحصل
كانني ماجبت لرضاه صعبات المنال = اهدرو دمي ..وانا ابيح طلاب القتل
ليت يوم انّه نوى البعد لديار الشمال = ماتركتني للهواجيس وسهوم العلل
ولا تركني للمتاهات وعروق الرمال = ولا تركلي همي اللي اكلّ ولا يكل
التوي بحبال صبري واشوف الصبر طال = واتعجل شوفته لو انا ماني عجل
لو يلد العين ويشوف كيف الحظ مال = ماركب راسه وعزّم على سوء العمل
واعذاب القاف مني ليا جاله مجال = والمصيبه في غيابه ولا بيت اكتمل
ياقصيدي كان حط الجفى له راس مال = لاتوتر ..كل عاقل من الطيش يعقل
اشعل حروف القوافي وانا ازيد اشتعال = ولومني لو مات ضوّي وغيره يشتعل
دامني حيٍ مكانك على روس الطوال = والله انه ماتنوش البسيطه لك رجل
اضمن اني ما اودعك فالمواضيع الهزال = القصايد ماتعمّر بلا بيتٍ جزل[/poem]