قنديله من قناديل (( قنديل راع الشعلا )) وهي مساجله قديمه بيني وبين أحد الشعراء
على أمل تحوز رضاكم علما انها من البحر التقليدي البحت..
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمس الضحى عديت راس الغليضي=حدى الجبال الشامخات الغلاضي
شوهاق لولاحٍ طويلٍ عريضي=متعليٍ فوق الجبل بانتهاضي
وأدنيت مفتاحي ومابي يهيضي=تغاورني مثل ورد الحياضي
وجلست بالمرقاب ما أبي المفيضي=ما قدر المولى على العبد قاضي
لاياعشيري تذكر إنك مريضي=وأيقن ليا جضيت بالكبد لاضي
ومشيت ما أنا راضيٍ بتغميضي=ولو غمضت عيني فلاني براضي
ويراكب اللي عجها كالنفيضي=يدني بعيد القاع نقل الرياضي
نبي نجيب اللي عويده غضيضي=غصبٍ على اللي كان ماهو براضي
وش عاد لو بيه دموعه تفيضي=خله تفيض وتالي الدمع قاضي
أبو نهودٍ كنهن لون بيضي=والثوب شالنه عنه بانتهاضي
وأبو جديلٍ فوق متنه غليضي=ومطرقٍ روس القرون الغلاضي
والشاهد الله ما انت عندي بغيضي=أقوم في حقك على غير راضي
حقٍ أقوم بحق منهو مريضي=وأجهد معك في قدرتي واحتياضي
هذا كلامٍ حق ماهو نقيضي=ما أنا من اللي يلفضون النقاضي
هذا وصلوا عد جمٍ خيضي=على النبي واعداد مي الحياضي
راع الشـ قنديل ــعلا [/poem]