السلام عليكم ورحمة الله وبركاته
اخواني الأعضاء اسف على طول الغياب الجباري
ويسعدني ان اشارككم بهذه القصيدة المتواضعة
التي تعتبر من قديمي اتمنى أن تحوز على رضاكم وإعجابكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يكفي هجر يابنت الأجواد يكفي = مرت سنه وأنتم لنا حيل جافين
لا ماهقيتك ياأريش العين تجفي = شخصن عطاك القلب والروح والعين
غديت ضدي وأحسبنك بصفي = وهمي غدى في داخل القلب همين
مافاد بك نصحي وشعري وحلفي = رحتي لغيري والسبب هرج واشين
الحزن من فرقاك يقبل ويقفي = كنه مديني وجا يطلب الدين
ياصاحبي قلي متى الجو يصفي = ونرجع مثل أول حبايب وغالين
وشلون أداري دمعة العين وأخفي = همي وأحزاني عن الناس يازين
وأنتي سكنتي في قصيدي وحرفي = كتبت لك من زود شوقي دواوين
يابنت عقبك أصبح الحال مخفي = شوفي عذابي يمكن أنك تحنين
تجملي بي يامرة قبل يطفي = نور الحياه بدنيتي ثم تبكي
غديتنا من دنية الفرح منفي = هايم على وجهي ولا ادري على وين
ياقاسيه ارجوك بالله كفي = عن لوعتي يابنت الاجواد تكفين
مشتاق لك ودي على صدرك اغفي = مليتنا من طولة الهجر والبين
وكان الخطا منك باسامح وأعفي = وكان الخطا مني براضيك ذالحين
منهو لجرح القلب يابنت يشفي = دام الدوا بيديك وأنتي تمنين [/poem]
وسلامتكم
اخوكم
عبد الرحمن سعد
حزين الحرف
رد مع اقتباس
المشاركة الأصلية كتبت بواسطة حزين الحرف
