[poem=font="Simplified Arabic,6,orange,normal,normal" bkcolor="transparent" bkimage="backgrounds/21.gif" border="solid,6,gray" type=0 line=0 align=center use=ex num="0,black"]
( بسم الله المعز المتكبر جلّ شانه )
****
لليل لذلك الآرق ... وللصباح المنسدل
في جادة الزمن ... هجـعة الليل ......
****
ناشبتـني هجعة الليل بسلـوب أصدقـا
وادخلت بي عرض قبل اتهيا للصراع
****
وش بقى يامسرف الشوق قلي وش بقا
وش بقى ترجي ترى القلب يعصى مايطاع
****
مابـقى في سـاحة الحـب خانه للـنقـا
وانت يالمسكين للأن يغويــك القنـاع
****
شف دموع اعتى التماسيح بالدمع اغرقا
وابتسامات اليتامى على وجـه الضياع
****
والمواري لااشهب اللال ترمي من هقا
لانشف ريـق المسافر بلا ناس ووداع
****
ناس يحضنها التلاقي وناس ابلا لقا
لاتنكـّر مالح البحر واسرف بالشراع
****
أخذلتني روعة الامس واثعابي الشقا
وفي عيوني ينطفي النور مع ومض الشعاع
****
وثغري اللي يشرب المر واوجاع انسقا
قلت خل الحرف ضاع الوفا والصدق ضاع
****
طاحت الجوقه وخيّال الاحرف مااتقا
والاماني تصبح ابقاع وامست بـ الف قاع
****
كـل شي ٍ لـه نهـايـه ولله البـقـا
ودنية المخلوق دنيا وتلويع ومتاع
****
مع كل الاماني بقراءه ممتعه ،،،،
محبكم / متعب بن محمد بن زبار بن حشيان[/poem]
رد مع اقتباس
