موظف براتب 1200ريال
________________________________________
قالوا تزوج قطار العمر بيفوت وتري ثلاثينك بعد شهور
قلت يازين الكلام هو كلام بس الفعل يبي له رجلا حليم وصبور
الزواج مايبي له شدة ظهر الزواج يبي له شدة ظهور
انا لا سمعت سيرته كل مافيني ارتجف وخاصة لاسمعت كلمة مهور
بس قلت ياولد الي متي بتعيش عزوبي كأني جناح طيرمكسور
لا زوجه تراعيني ولا طفل يناديني ولا بيت بصوتهم معمور
رحت وتقدمت وخطبت بنت الاجواد بس معروف طبعها بالغرور
ابوها لواء متقاعد يمتلك مكتب عقار مختص بالاراضي والقصور
قالوا اهلها من انت قلت اناابن فلان ابوي بالطيبة مشهور
قالوا ونعم بك يافلان ياابن فلان تري بيتكم بالطيب مذكور
ابوك حر وجدك المعروف صقر تهابه وتخافه كل الصقور
قلت في نفسي يازين وحلو الزواج ويني انا عنه من عصور
ماغير تشوفني من شارع لشارع حفظت كل اشارات المرور
قالوا وين انت تشتغل يافلان انت ضابط ولا مهندس ولا دكتور
قلت لا لا لا انا موظف براتب 1200 ريال علي بند الاجور
بس الترقيه قريبة ماهي بعيده لاني دايم الاول في دفتر الحضور
ومايهمكم تراني خبير بشغلات الزواج وملم بكل الامور
والحمد لله ماعلي ديون ورضي والدين والحال شبه ميسور
وفجئه تغيرت كل الوجيه واصبحت الوحيد المبتسم مابين الحضور
وشفت في عيونهم ملل مني وماادري وش اللي في داخلهم يدور
قلت اكيد وقتي ماهو مناسب او دمي ثقيل علي ذيك الصدور
او غلطت في طريقة كلامي وقلت شي غير لائق او شي فيه محظور
بس انا ماقلت شي معيوب كلامي واضح واسلوبي مابه اي قصور
وأنقطع حبل افكاري وسمعت صوت كبيرهم يقول في نفور
انت من جدك جاي تخطب بنتنا بنت العز والجاه والقصور
انت مخبول او فيك من امراض العصر (جنون البقر او انفلونزا الطيور)
وكل مجلسهم بأعلي اصواته ضحك الا انا سكت وبداخلي مقهور
وقلت انا مثلكم بشر انا مثلكم لي احساس وقلب ولي عاطفه وشعور
ولي نفس اضحك وابتسم مثلكم ولي نفس اعيش بسعاده وبسرور
صحيح اني ماني غني لكن ماني فقير الكرامه وبعزتي قوي وجسور
وانت ياصديق التعاسه ياعبد الريال ياللي علي الذل مجبور
ان مافهمت قصدي فأنت جاهل والجاهل بجهله دايم الدوم معذور
قصـــــة حقيقية حدثت لاحد الأصدقاء وعبرت عنها بهذه الكلمات ان شاء الله تعجبكم
منقول ولكم تحياتي
الأميــــــــــــــــــر