[poem=font="Simplified Arabic,5,burlywood,bold,normal" bkcolor="black" bkimage="" border="ridge,7,gray" type=2 line=0 align=center use=ex num="0,black"]
صباح الورد
,
,
ياصاحبي حبل الصداقه جوّده ولا بدون = مافيه داعي للعتب من باع شيٍ ماشراه
انا رفيق الطيّب اللي للصداقه مايخون = ولا الردي ماكنت مستغرب ولاجاهل رداه
اكرم كريمٍ تملكه بالطيب فالشده يعون = وأحذر لئيمٍ تكرمه يطاولك شره واذاه
ياصاحبي قبل امس وامس تمون ولا ماتمون = كم صاحبٍ يخذلك لاحتجته ويصفق في يداه
بعدين مافكرت وين رايح وش تكون ؟ = ياهيه بالله ابسئلك وشو طموحك فالحياه
منهو يقول العمى من لايشوفك بالعيون = اللي عمى قلب وبصيره ماعرف حتى عماه
أقولها عاقل واقول الشعر شي من الجنون = أما أرتويت من اعذبه ياعلّني ماروى ظماه
والناس خلق الله خلقها من ظهور ومن بطون = أحدن بنى له بيت واحدن ينهدم بيتٍ بناه
يالللي تناظر للسما وتخيل برأق المزون = عيني تشوف اللي تشوفه وخل عكس الأتجاه
وياكثرهم من يدعون ويدعون ويدعون = ابداعهم والناس مايخفاهم البير وغطاه
وياكثرهم من يكتبون وقل منهم يبدعون = ماعاد تفرق شاعرن يكسر قصيده لاقراه
,
,
,
محمد الذيابي[/poem]