هذي هي حقيقتي على بلاطه لاتقولون طويله اقروها واهم شي الاْخلاق وحب الوطن خخخخخخخ
ترى المخدرات موب زينه
لاتطلع للشارع ترى يجيك حمار القايله
لاتحفظ جدول الضرب لأن اللي يضرب الناس لازم ينضرب
لاتماشي عشق ومفرح ومغربل لأنهم يشربون دخان تحت الدرج :خجل:
^
^
^
هذي الجمل اللي فوق كانت اللبنة الأساسية لتكوين شخصيتي حيث ان الوالده كانت تخليني ارددها كل صباح قبل ان اتناول جرعتي المفضله من الحليب لانني كنت في وقت المهاد ومنذو ذلك الحين وانا حافظ هالكلمات عن ظهر قلب مدري بطنه خخخخخ
اللي ابي اوصله لكم من خلال هذا الموضوع اني ادوخكم بمقتطفات من سيرتي الذاتيه وطموحاتي المستقبلية
حيث اني كنت منحوس من البداية لأنه في يوم ولادتي بدأ صدام حسين بحربه مع ايران ... دئلت
ويوم وصل عمري ست سنوات طلق فدغوش بنت خالتي حصيصة .. دئلت
وفي اليوم اللي بلغت فيه خربها ابو عدي وهجم على الكويت .. دئلت
وعندما وصل عمري مقتبل شبابي وعنفوان رجولتي مات جدي دليم .. دئلت
وبعد ماخلصت من الثانوية دخل اخوي دورة عسكريه في حفر الباطن مدتها ست شهور وصرت طوال هالفترة انا اللي اتقضى للبيت اللي يبونه من البقالات والاسواق ....
وعندما بدأ شنبي بالظهور على شاشة وجهي بدأ في داخلي احساس اني صرت رجل واقدر اغازل بدون مااخاف من احد وقدرت ولله الحمد على ترقيم وحده في سوق الغنم كانت حاطه فوق راسها علف واتفقت معها على ان اكلمها الساعه 9 لان اهلها ينامون الساعه 8 مثل الدجاج هههههههههههه
وعندما كنت انتظر عقارب الساعه تشير الى التاسعة مساءً الا اعلنوا في القناة الأولى قيام امريكا بحربها ضد العراق ( اولى حروب القرن ) <<== يحب هذي التسمية
هذي هي قصة النحس اللي لازمني منذو مبطي وبعد ماحكيت لكم عن النحس احب ان اعرفكم على نفسي علشان نتعرف على بعض عن قرب ونزيل الحاجز اللي بيننا
@الأسم@
سعود بس للحين متمشكل مع جيرانا على الاسم يبون يسمون ولدهم مثل اسمي وانا رافع عليهم قضية
@ العمر @
مدري بس لي مدة انام عند اهلي حتى انهم طفشوا مني واعلنوا في الجرايد اني من اصحاب الفكر المنحرف علشان يتخلصون مني دئلت
@المهنة @
عاطل مع مرتبة الشرف وجربت اشتغل في كبينه تليفون لمدة شهرين ماكملت نص شهر الا اعلن صاحب الكبينة افلاسها وتمرمطت بس ابشركم الحين اشتغل في شركة ( دجوووو ) <<== يعني داج دئلت
@ العلامة الفارقه @
1_فلقه في نص الجبهة من النصاب يوم كنت ابي آخذ فسحته
2_حولان في العين اليمنى بعد ماصفقت بماصورة بعد مطارده عنيفه لفأر في المطبخ
3_ رجولي الثنتين كلهن يسار
4_ مسمار ناشب في خدي اليمين من ايام الجاهليه ومفك عجل رابطه في اذني بالشطرطون على بالي انها تعطيني مسحة جمالية
@الطموحات @
ان احصل على اسئلة مسربة لمادة الفنيه للصف الرابع الليلي <<<=== له اربع سنين وهو يعيد في رابع ليلي بسبب هالمادة
تحية عطرة